Nota de Prensa
A Mariña multiplica por catro o paro que se dá no conxunto de Galiza
O BNG denuncia que o paro aumentou na zona nun 10,67 nun ano
A publicación dos dados de emprego do mes de setembro demostran un peor comportamento da Comarca da Mariña en relación coa media galega e do conxunto do estado, e de xeito moi particular como se acelera a destrución do emprego na Comarca da Mariña. Segundo Antonio Veiga “que o número de parados se sitúe no ámbito da Mariña en 4.168 persoas, cun aumento do 9,51 no último mes, moi por riba do 4,66 do total da Provincia e do 2,16 do conxunto de Galiza ten que ser un motivo central de preocupación. Pensemos que A Mariña multiplica por dous a destrución do emprego que se dá no total da provincia e por máis de catro a que se dá no conxunto de Galiza. Aínda máis este peor comportamento do emprego da Mariña no último mes, ven acompañado tamén polos dados a nivel interanual, posto que no último ano aumentou na Mariña nun 10,67% fronte a un 7,80% no conxunto de Galiza”
Na totalidade dos sectores aumenta o desemprego por riba da media de Galiza
O Bloque Nacionalista Galego denunciou tamén que no último ano A Mariña perdeu emprego na totalidade dos sectores da actividade económica, agás na gandería, e tamén neste caso a destrución de emprego e maior a media galega. A este respecto debese ter en conta o aumento do paro na construción no último ano nun 22,07% fronte ao 8,25 que se dá en Galiza, na industria nun 6,28% fronte ao 5,21% que se dá en Galiza ou no sector servizos onde tamén aumenta o desemprego nun 2,99%.Veiga advertiu “que estes dados só se refiren a poboación asalariada e que aquí non están recollidos o emprego que se perdeu naqueles traballadores por conta propia, onde os dados tamén son para votarse a tremer. Mesmamente non debemos esquecer que a poboación activa da comarca é cuantitativamente inferior en número ao da media galega, ao contar cunha pirámide invertida, e tamén non deixa de ser chocante que co noso tecido industrial, un tecido non comparábel, as grandes áreas urbanas de Galiza a destrución de emprego aquí sexa maior”.
A parálise en infraestruturas como a A-8 non vai significar mais destrución de emprego na comarca.
O Portavoz Comarcal dos nacionalistas non quixo deixar pasar por alto a destrución de emprego na construción “que non podemos achacar a un fenómeno estacional, posto que se mantén constante ao longo de todo o ano, e que mesmamente vai aumentar de xeito considerábel a medida que vaian rematando programas como o Plan E ou outros que se estiveron desenvolvendo a cargo de fundos públicos.Os orzamentos públicos que están a reducir os investimentos en infraestruturas van ter un forte impacto na nosa zona, pensemos só o que vai significar a paralización da Autovía do Cantábrico, a redución de fondos para o Corredor por parte da Xunta ou os limites ao endebedamento nos orzamentos municipais”. Os nacionalistas criticaron que mentres o Estado socorre sen ningún tipo de pudor a banca e aos grandes grupos económicos, socializando as perdas, deixa tirados a miles de traballadores, xa sexan autónomos ou asalariados, posto que a ausencia de liquidez é un elemento central nesta situación.
Complicidade da Xunta con Feijoo de paellas por Cataluña e Balseiro axudando a mandar aos seus veciños e veciñas ao paro.
O Bloque Nacionalista Galego denunciou a complicidade da Xunta de Galiza con esta situación ao non poñer enriba da mesa alternativas que permitan criar emprego e que sexa colaborador activo a hora de mandar a rúa a centos de traballadores. “Núñez Feijoo afirmou que no caso de ser Presidente da Xunta remataría en tres meses co paro, leva un ano e medio no cargo e este non fai máis que aumentar. A Xunta está desaparecida na crise e na contra de estar apoiando alternativas para as persoas que o están pasando mal andan cociñando paellas en Cataluña no mellor dos casos e nas máis das veces dándolle o visto bo a ERES como o de Sargadelos que vai mandar a rúa a máis de 26 veciños nosos” afirmou Veiga quen esixiu “medidas concretas que garantan emprego e que non empeñen proxectos con futuro e que do único que carecen é de liquidez. Sería bo que o Sr. Balseiro que xa nos ensinou en Sargadelos que é todo unha garantía a hora de defender o emprego dos seus veciños de Cervo, que explicase onde está o IGAPE na Mariña, ou por que se retarda a apertura dun centro como a residencia de Viveiro, construído pola Vicepresidencia da Xunta e que vai xerar sobre 80 empregos, ou por que non se dotan fundos para o Centro Residencial de Día en Foz que crearía 50 empregos”.
Os nacionalistas mostráronse convencidos de que nos espera un segundo semestre de ano e un 2011 aínda máis negros na Mariña cun aumento do desemprego moito máis agudo que o que se deu até agora. “E a pescada que se morde a cola, a menos persoas traballando, menor poder adquisitivo e xa que logo menor consumo” rematou Veiga que alertou “sobre a riada de feches de pequenos negocios na Mariña, fundamentalmente no sector servizos e tamén da construción, así como a presentación de novos ERES que van minguar a capacidade económica da zona”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
