Nota de prensa:
A Deputación implicará ás cooperativas da provincia na xestión directa do Centro de Recría
– O Presidente realiza este anuncio durante a reunión que mantivo cos socios de ICOS, unhas das agrupacións gandeiras máis punteiras de Lugo
– O titular do organismo provincial inaugura a oficina técnica que xestionará o programa formativo do Pacto polo Emprego no sur da provincia
O Presidente da Deputación, José Ramón Gómez Besteiro, e o Deputado provincial e Alcalde de Sarria, Claudio Garrido, mantiveron este venres unha xuntanza cos socios de ICOS, unha das agrupacións gandeiras máis punteiras de Lugo. No transcurso do encontro, Gómez Besteiro anunciou a intención do organismo provincial de implicar ás cooperativas lucenses na xestión directa do primeiro centro de recría público en España que construirá a Deputación nas instalacións da granxa Gayoso Castro.
O titular provincial reiterou que o organismo que preside, logo de conseguir coa máxima axilidade todas as licenzas e permisos necesarios que diferentes administracións outorgaron para comezar as obras deste proxecto, continúa agora á espera de que a Xunta de Galicia conceda a Declaración de Impacto Medioambiental (DIA), requisito indispensable e último para o inicio dos traballos.
Besteiro explicou que esta revolucionaria iniciativa, na que a Deputación inviste máis de 12 millóns de euros, forma parte do “Pacto polo Campo”, o acordo que mantén que as adminsitracións deben “sumar esforzos” para impulsar o sector agrogandeiro en Galicia. Neste senso, lembrou que, dentro deste compromiso, o organismo provincial manifestou tamén o seu apoio institucional ós proxectos das cooperativas e Feiraco para a adquisición da planta de Pascual. “Lamentamos que esta proposta non se consolidase así e non tivese máis apoios por partes doutras administracións” salientou.
Prezo do leite
O Presidente tamén incidiu na situación que están a atravesar os gandeiros debido ó baixo prezo do leite e a escasa forza negociadora dos produtores fronte ás industrias lácteas e distribuidores. Ó respecto, indicou que “entendo que sería necesario e imprescindible a articulación de mecanismos que corrixan esta desigual situación. Unha das medidas para paliar esta realidade, sería asinar contratos homologados por parte dos produtores e dos compradores ou das industrias, deste xeito, aseguraremos tanto a venda como o coñecemento do prezo do produto”.
Pacto Provincial polo Emprego
Gómez Besteiro, e o Alcalde de Chantada, Manuel Anxo Taboada, inauguraron este xoves a oficina técnica que o organismo provincial pon en marcha na Rúa Vázquez Boó, a carón da Casa do Concello, para xestionar no Sur da provincia o programa formativo do Pacto Provincial polo Emprego, a iniciativa co-financiado nun 80% polo Fondo Social Europeo que insertará laboralmente a 540 desempregados de Lugo. As outras dúas oficinas, situadas en Foz para xestionar o norte da provincia e no INLUDES para o zona centro, xa están a pleno rendemento.
Na de Chantada, 2 persoas encargaranse de atender calquera tipo de dúbida que poidan ter os solicitantes do programa, e de asesorar ós alumnos que, no futuro, opten por montar a súa propia empresa, ben como autónomos ou como PEMES.
O programa formativo da Deputación comprende 45 cursos dirixidos a desempregados de todos os Concellos, excepto o de Lugo que, ó ter máis de 50.000 habitantes e contar co seu propio programa. Os beneficiarios recibirán unha axuda económica tanto na formación como nas prácticas equivalente ó 75% do IPREM, é dicir, uns 400 euros mensuais. Das 1.637 solicitudes recibidas para participar nesta programación, preto de 750 son de cidadáns do sur da provincia. Nesta zona, os cursos máis demandados foron: atención sociosanitaria en institucións sociais e a domicilio, promoción turística e información ó visitante, e aproveitamentos forestais.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
