Nota de Prensa
A Deputación esixe á Xunta a que rectifique o sistema de control sanitario implantado nas explotacións gandeiras
– O Deputado de Gandeiría subliñou que “ata o de agora tiñamos un dos mellores sistemas de Europa, pero o actual goberno autonómico decidiu modificalo, o que suporá un aumento de gastos para os gandeiros e a perda do control do produto”
– José María Arias realizou estas declaracións na inauguración das XX Xornadas Nacionais de Carne e Seguridade Alimentaria e foi apoiado polos veterinarios asistentes ó encontro
– Gómez Besteiro recibiu ós participantes das xornadas que se desenvolven dende hoxe ata mañá e contarán con prestixiosos expertos do MARM e da Unión Europea
O Deputado de Gandeiría, José María Arias, instou este xoves á Xunta de Galicia a rectificar o sistema de control sanitario que se está a levar cabo nas explotacións gandeiras da provincia, xa que a modificación do sistema anterior supón incrementar os gastos do gandeiros e aumentar a picaresca na trazabilidade. Arias realizou estas declaracións durante a inauguración das XX Xornadas Nacionais de Carne e Seguridade Alimentaria que estes días se desenvolven na Facultade de Veterinaria, e foi apoiado polos veterinarios asistentes ó encontro. Neste senso, subliñou que “a identificación dos animais é fundamental para garantir a seguridade alimentaria. Ata o de agora tiñamos un dos mellores sistemas de Europa, pero o actual goberno autonómico decidiu modificalo, o que suporá máis custes para os produtores e a perda do control directo e frecuente que na actualidade realizan os veterinarios”.
A este respecto destacou que “se hai menos control, a falta de seguridade do produto que se consuma logo do proceso de comercialización será menor. Por este motivo, dente a Deputación voltamos a instar ó goberno autonómico a que recapacite antes de que sexa demasiado tarde e a poñer medidas enriba da mesa que axuden a impulsar o sector agrogandeiro e a frear o saldo demográfico negativo no rural”.
A Deputación tende a man ós gandeiros
O Deputado de Gandeiría destacou que esta colaboración dá continuidade ó compromiso asumido polo actual equipo de goberno dende hai tres anos para impulsar o sector agrogandeiro e facelo máis competitivo. “Pasamos de ser unha administración que competía cos gandeiros a ser a súa aliada e a tenderlles a man nestes momentos de crise, coa posta en marcha do que será o primeiro centro de recría público de España na Granxa Gayoso Castro, unha vez que a Xunta de Galicia nos conceda os permisos necesarios para comezar as obras”.
A seguridade alimentaria é un tema de extraordinaria importancia que afecta a produtores, consumidores e institucións. Tanto é así que o consumo da carne se asociou sempre a un maior desenvolvemento económico. Precisamente, na última metade do século XX, o grande crecemento no consumo deste produto nos países desenvolvidos forzou a potenciar métodos de cria intensiva que favoreceron a aparición de novos riscos.
Este cambio no sistema de produción primaron os índices de conversión, pero non a calidade sanitaria. A aparición da Encefalopatía Esponxiforme Bovina, máis coñecida como o mal das vacas tolas, puxo de manifesto que as medidas de control establecidas na cadea alimentaria non son suficientes e que éstas deben incluirse tanto na produción primaria como nos consumidores. “Por iso é necesario que as institucións competentes na materia, en Galicia a Xunta, desenvolvan medidas que garantan a seguridade da que estamos a falar”.
Pola tarde, o Presidente da Deputación, José Ramón Gómez Besteiro, xunto co Alcalde de Lugo, José López Orozco, recibiron ós participantes do encontro que está organizado pola Asociación de Veterinarios Especialistas en Seguridade Alimentaria (AVESA), en colaboración coa Deputación, a través da Fundación TIC, quen se encargará da gravación de boa parte do encontro, e do Concello de Lugo.
Un programa completo
As xornadas que deron comezo hoxe e se prolongarán ata mañá venres, contarán con grandes expertos na materia do Ministerio Rural e Mariño, da Unión Europea e doutras administracións, quenes abordarán durante estes dous días cuestións como a aplicación dos programas de hixiene na produción primaria; a importación-exportación e trazabilidade dos terceiros países; avaliación dos riscos biolóxicos nos produtos cárnicos; a seguridade alimentaria en produtos de pesca; os riscos sanitarios que presentan as froitas e as verduras; o futuro da profesión veterinaria nos matadoiros e inspección dos mesmos; ademais da tipoloxía de brotes de enfermidades de orixe alimenataria no Camiño de Santiago.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
