Nota de prensa
SUPLUSA asume a xestión dos centros de atencióna persoas maiores que a Deputación construirá en 2011
– Con esta actuación, á que se destinan 12 millóns de euros, o organismo provincial potencia a economía lucense, poñendo en marcha un servizo moi demandado que evitará o despoboamento da zona rural e xerará novos postos de traballo
– A Deputación insta á Xunta a retomar as negociacións da titularidade das estradas, xa que se trata dunha cuestión necesaria para programar o Presuposto de 2011 e as actuacións a executar nos vindeiros meses
– O Pleno aprobou a ordenanza xurídica que dá validez legal ós 120 trámites que os cidadáns poderán realizar vía Internet co Innova-TE
– A Deputación esixe ó goberno autonómico a que rectifique o cambio no mantemento do sistema de identificación e rexistro das explotacións, xa que aumenta os custos dos gandeiros e non garante o control da sanidade animal
O Pleno da Deputación aprobou por unanimidade a encomenda de xestión á Sociedade Urbanística Provincial (SUPLUSA) para a construción e xestión de centros de atención a persoas maiores na provincia. A través desta iniciativa, o organismo provincial, malia que non ten competencias directas na materia, realiza unha aposta decidida pola mellora do benestar dos cidadáns da provincia, de tal xeito que investirá o vindeiro ano 12 millóns de euros na construción dunha decena de residencias de maiores con centros de día noutros tantos Concellos. Gómez Besteiro subliñou que “esta actuación diríxese a axudar aqueles municipios nos que existe unha maior perda de poboación e permitirá xerar emprego. En definitiva, coa culminación das transferencias sanitarias, apostamos agora por servizos novos. Ademais, esta cuestión foi debatida seu día no Consello de Administración, no que están presentes todos os grupos políticos. A Xunta ten que ver como medida positiva esta actuación, xa que prestará unha atención moi demandada polos cidadáns”.
O máximo mandatario provincial indicou que, para a execución destas infraestruturas, “intentaremos buscar o apoio dos Concellos”. Deste xetio, as entidades locais terán que aportar os terreos e participarán no financiamento dos gastos de construción nunha porcentaxe que rondará o 25%. Situaranse preto dos centros das vilas para favorecer que os residentes participen na vida das mesmas. As residencias terán unha capacidade para unhas 25 persoas e as instalacións de día para 15 ou 20 maiores.
No mes de novembro celebrarase a primeira xuntanza do Consello de Administración para proceder, no menor tempo posible, á sinatura dos convenios cos Concellos correspondentes. En definitiva, o organismo provincial potencia a economía da provincia dende a perspectiva do benestar social, poñendo en marcha un servizo moi demandado que evitará o despoboamento da zona rural e xerará novos postos de traballo ó incorporar persoal cualificado.
SUPLUSA tamén realiza un esforzo inversor moi importante na creación de solo industrial. Dende 2008, a Sociedade está a executar 8 polígonos que suman preto de 1 millón de metros cadrados e máis de 13,3 millóns de euros de investimento. En mes e medio iniciaranse as obras do de Chantada, no que se investirán máis de 2,8 millóns de euros e se favorecerá o asentamento de novas empresas e se crearán novos postos de traballo en toda a Comarca. No mes de xuño comezaron as obras da área industrial de Castroverde, que avanzan a bo ritmo, e no que xa 20 PEMES reservaron a súa parcela. En 2009 tamén se remataron as de Ourol e Baleira e, en 2008, a de Friol, na que só falta que a empresa eléctrica soterre a liña de tensión. Asimesmo, o organismo provincial agarda iniciar as obras nos vindeiros meses do polígono de Paradela, e ten en marcha os de Riotorto e Fonsagrada,
Negociación de estradas
A Deputación aprobou tamén por unanimidade a proposta do equipo de goberno na que se acorda instar á Xunta de Galicia a retomar as negociacións levadas a cabo para reestruturar a titularidade das entradas de ambas as dúas administracións; cuestión vital e necesaria para programar o Presuposto de 2011 e as actuacións a executar nos vindeiros meses. O organismo provincial xestiona 4.300 quilómetros de rede provincial, a máis extensa de España, o que implica que cada ano teña que destinar unha partida importante do Orzamento á súa conservación e mantemento. Neste senso, o Deputado de Infraestruturas, Manuel Martínez, destacou que “nós fixemos máis nun ano que o PP en 24 e, neste asunto, o bipartito bordouno”.
Precisamente, a axilidade neste tema foi unha das cuestións que Gómez Besteiro lle trasladou persoalmente a Feijóo na reunión que ambos os dous dirixentes mantiveron en novembro de 2009. No mes de febreiro os técnicos provinciais e autonómicos mantiveron a última xuntanza sobre esta cuestión, adquirindo pola parte do Goberno autonómico o compromiso de presentar unha nova proposta que nunca se chegou a recibir e que é necesaria de cara a definir a partida económica que figurará no Presuposto do vindeiro ano.
Os quilómetros, obxecto de discusión entre as dúas administracións, suman un total de 220, e os criterios da negociación son cinco: treitos cun elevedo nivel de tráfico, estradas de titularidade compartida, vías que unen dúas provincias ou dous núcleos importantes, enlaces entre estradas autonómicas e nacionais e vías intermunicipais.
Validez legal para os 120 trámites do Innova-TE
O Pleno tamén deu o visto e prace á ordenanza xurídica que dá validez legal ós 120 trámites que os cidadáns poderán realizar vía Internet co Innova-TE, o programa tecnolóxico co-financiado nun 70% por fondos FEDER, e que permitirá a implantación da administración electrónica en menos dun ano. Este documento converte á Deputación en sede electrónica. É dicir, igual que a Deputación dispón dunha dirección física necesita de algo semellante no ámbito electrónico.
É o segundo paso máis importante despois da instalación do Centro de Procesamento de Datos (CPD). Autoriza ó organismo provincial a tramitar a través da rede coa mesma validez que se se fixese de forma presencial, xa que de non dispoñer deste documento tipo, a Deputación incumpriría a lei que regula a e-administración. En novembro, os Concellos, que voluntariamente se sumaron ó programa, recibirán a súa ordenanza, que tamén deberán aprobar nos respectivos Plenos.
Garantir o control das explotacións
A Deputación esixe ó Executivo Galego a que rectifique o cambio proposto para o mantemento do sistema de identificación, rexistro e control das explotacións gandeiras coas garantías e nas condicións nas que se ven desenvolvendo este servizo público. A modificación implica o despido dos veterinarios encargados deste labor e supón a supresión da vista destes profesionais ás explotacións, tendo que facerse cargo deste proceso os gandeiros a través dunha Oficina Agraria Virtual da Xunta, vía Internet ou telefonicamente. O novo sistema suporá moitos problemas para os gandeiros, entre eles un aumento dos custos e do tempo de atención á explotación. Ademais, ten unha repercusión directa no control da sanidade animal, mentres que o actual está recoñecido por todos os axentes como unha das mellores garantías de sanidade animal de Europa.
Esta iniciativa, imposta pola Xunta, debilitará o sistema de seguimento e control público da sanidade animal, introducindo a xestión de entidades privadas e repercutindo negativamente na calidade, trazabilidade e sanidade da carne que entra na cadea alimentaria.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
