Nota de Prensa
A Deputación abrirá este mes o 1º Centro de Asesoramento Empresarial da provincia especializado en TICs
– Dende a plataforma, que se situará no INLUDES e se inclúe dentro do Innova-TE, prestarase apoio ás empresas luguesas para facelas máis competitivas e fomentarase a creación de emprego
– O asesoramento será multicanal, xa que atenderá as consultas que cheguen de forma telemática, telefónica, ademais de ter un servizo de atención presencial no organismo dependente da Deputación
– Gómez Besteiro presidiu o “1º Almorzo Tecnolóxico da Provincia” no que participaron 11 empresas de distintos sectores que melloraron a súa produtividade coa incorporación das novas tecnoloxías nos seus modelos de negocio
– O Presidente ofreceu ás empresas participantes asinar un convenio de colaboración coa Fundación TIC para a realización de vídeos promocionais dos seus negocios cun custe 0 para elas
O Presidente da Deputación, José Ramón Gómez Besteiro, presidiu este venres o “1º Almorzo Tecnolóxico da Provincia de Lugo” no que participaron 11 empresas luguesas de distintos sectores que incorporaron con éxito as novas tecnoloxías nos seus modelos de negocio. No encontro, que se enmarca dentro das actividades do Innova-TE, programa dotado con 9 millóns de euros e co-financiado nun 70% con fondos da Unión Europea e nun 30% polo INLUDES, e que garante a implantación da administración electrónica en 2011, Gómez Besteiro quixo facer partícipes do programa tecnolóxico ó empresariado da provincia. “Esta é a primeira vez que se reúne en Lugo ás empresas punteiras en innovación. Sodes o motor das novas tecnoloxías nesta provincia e o mellor que temos en innovación. Por iso, queremos facer de vós os noso aliados tecnolóxicos”.
Neste senso, o máximo mandatario provincial anunciou que, dentro das actividades do Innova-TE, en outubro entrará en funcionamento no INLUDES o primeiro Centro de Asesoramento Empresarial da provincia, “no que queremos que vós estedes presentes como exemplo para outras empresas”.
Trátase dunha iniciativa de apoio ós empresarios de Lugo e coa que o organismo provincial quere fomentar a creación de emprego, conseguir que as empresas sexan máis competitivas e impulsar iniciativas emprendedoras mediante o uso das novas tecnoloxías. A este respecto, lembrou que “nestes momentos somos a última provincia en acceso á banda longa da catro galegas; débeda que ten no seu haber a Xunta e que hoxe, unha vez máis, reclamamos que poña a contador a cero porque senón freará a velocidade do Innova-TE”.
Será unha plataforma única, na que se ofrecerá e se resolverán dúbidas sobre a administración electrónica a emprendedores, cidadáns ou mesmo traballadores. Aportará información sobre as subvencións existentes e sobre o proceso de contratación de obras ó que concurren as empresas, axudas para a reciclaxe tecnolóxica, etc.
O asesoramento será multicanal, é dicir, as consultas poderán facerse de forma presencial, vía telefónica ou por Internet. “En resumo, con este Centro cumprimos tres obxectivos: transformar a provincia nunha rexión aberta ó mundo, capaz de facer fronte á globalización dos mercados; impulsar a competitividade e mellorar a produtividade do tecido empresarial da provincia, incentivando a innovación e a calidade; e facer das TIC o eixo de actuación das empresas lucenses”.
O Centro estará aberto ó público de 8:00 a 15:00 horas e atenderá as consultas vía telefónica na mesma hora e de 16:00 a 19:00 horas. O teléfono de contacto: 982 812 455 e o enderezo electrónico: innovate-empresas@deputacionlugo.org.
Colaboración coa Fundación TIC
O Presidente da Deputación ofreceu ás empresas participantes asinar un convenio de colaboración coa Fundación TIC para a realización de vídeos promocionais dos seus negocios, xa que “quen está na rede existe e quen non non sae na foto”. Os documentos audiovisuais serán realizados polos profesionais e polos alumnos do organismo dependente da Deputación, e terán un custe 0 para as empresas.
A Deputación tamén instalará durante o San Froilán unha carpa do Innova-TE, un espazo lúdico-formativo mediante o cal os participantes sumerxeranse na administración electrónica e nas novas tecnoloxías a través de obradoiros, xogos, sorteos, agasallos, e mesmo simuladores de última xeración. Neste senso, Gómez Besteiro convidou ás empresas asistentes ó almorzo a que participen nesta iniciativa, “xa que sodes un exemplo a seguir de cómo a través dun negocio tradicional as novas tecnoloxías permiten que as empresas sexan máis competitivas”.
Empresas participantes no almorzo
No almorzo participaron empresas de distintos sectores que fixeron das novas tecnoloxías un elemento diferenciador e que foi a clave do seu éxito: Agrodynamics, empresa adicada ó desenvolvemento de software para o sector agrícola, concretamente para a xestión de semilleiros; ChampionChip, especializada en servizos deportivos para eventos populares ó aire libre como atletismo, triatlón ou natación, e que está a levar a cabo un sistema de conometraxe electrónico e unha plataforma de xestión on line; Porco Celta Fonsagrada; empresa adicada á cría, cebo e comercialización deste raza porcina, e que dispón dunha páxina web na que fomenta a venta directa dos produtos, sen pasar por intermediarios; Asín Informática, empresa destinada á formación TIC para empregados e desempregados, así como para sectores específicos; Ingapan, empresa punteira en España no sector das masas conxeladas e pasteleiría; Granxa Maruxa, empresa de referencia na provincia na elaboración de produtos ecolóxicos; Daveiga, destinada á produción de galletas mariñeiras. Dispón dunha páxina web con acceso privado á área de clientes onde estes poden realizar pedidos; Porto Celeiro, grupo pioneiro na aplicación de criterios empresariais á xestión dun porto pesqueiro; Rede Social Xurídica, plataforma especializada no sector legal na que profesionais e particulares se poñen en contacto para resolver dúbidas e establecer sinerxías comerciais a través da rede; Electrónica Suíza, empresa que centra a súa actividade na venda a través da Internet de material electrónico e de comunicación; e J.M. Rivas Academia, especializada en dar clases de apoio a todos os niveis educativos, na creación de páxinas web e no desenvolvemento de aula virtuais.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
