Nota de Prensa
A XUSTIZA DI QUE O CUSTE REAL DO PLAN PLACER É UN 43% DO QUE DEFENDEU E PRETENDÍA ABOAR O PARTIDO SOCIALISTA
* Unha sentenza do Xulgado do Contencioso administrativo da por boa a liquidación final feita polo Concello e avalada por informes técnicos externos que valoraban en 1.138.607,45 euros a contía real dos traballos realizados e non nos 2.626.422 € que pretendía abonar o anterior Goberno socialista municipal
* Nela obrigase á empresa adxudicataria das obras a devolver ao Concello 156.574,23 euros indebidamente cobrados
Cervo, 23 de setembro de 2010.- O alcalde de Cervo, Alfonso Villares, e os concelleiros do grupo de Goberno José Manuel Balseiro e Chelo Gallego, deron a coñecer este mediodía en rolda de prensa o contido da sentencia do Xulgado do Contencioso-Administrativo Nº2 de Lugo na que vén a desestimar o recurso interposto pola empresa contratada polo anterior goberno municipal socialistas para facer as obras do plan de asfaltados de Cervo (Plan PLACER) e obrigalle a devolver ás arcas municipais 156.574,23 euros.
Segundo indicaron os membros do equipo e Goberno local, os fundamentos xurídicos desta sentencia entran por vez primeira vez no fondo de todo este contencioso iniciado hai 10 anos “e no que o Partido Popular leva loitando dende que chegamos á responsabilidade deste Goberno municipal” salientaron.
Na súa intervención o alcalde de Cervo fixo unha exposición pormenorizada dos distintos contenciosos que leva mantendo o Concello coa empresa adxudicataria destas obras dende o ano 1999. Salientou que nela o xuíz ven a dar a razón ao Goberno popular do Concello de Cervo sobre a súa decisión de investigar o contrato subscrito polos socialistas e da por boa a liquidación final feita polo Concello e avalada por informes técnicos externos que valoraban en 1.138.607,45 euros a contía real dos traballos realizados e non nos 2.626.422 € que pretendía abonar o anterior Goberno socialista municipal “o que supón que o custe real do Plan Placer era un 43% do que o Partido Socialista se comprometera a pagar” recalcou o rexedor.
Para os membros do equipo de Goberno son moitas as explicacións que debe dar o actual grupo socialista a tódolos veciños de Cervo. “Deben explicar cales son os intereses que moveron e moven a este partido para levar adiante este tipo de decisións totalmente prexudiciais para os intereses dos veciños de Cervo e cando menos irregulares e moi escuras que a xustiza acaba de poñer en evidencia” enfatizaron os responsables locais cervenses.
Tanto o rexedor coma os dous concelleiros lembraron que tódolos integrantes dos gobernos do Partido Popular no Concello de Cervo nestes 10 últimos anos defenderon os intereses de tódolos veciños “e o exemplo está no que hoxe a xustiza acaba de ditaminar: que o Partido Socialista pretendía que a cidadanía deste concello pagara 2.626.422 por unhas obras que non valen nin a metade diso; algo que leva defendendo o partido Popular nestes últimos anos” recalcou o alcalde.
Por último, os responsables locais puntualizaron que dita sentencia non é firme e contra dela cabe recurso de apelación, aínda que matizaron que a empresa “terá que pensalo moito antes de recorrela”.
SINOPSE PLAN PLACER
* Goberno local do PSOE aproba no ano 1999 o Plan de asfaltados (Plan Placer) por un valor de 2.626.422,90 €
* En xuño do mesmo ano (1999) o Goberno municipal socialista fai o pago de 1.574.651,7 euros a esta empresa durante o seu mandato en funcións e coas eleccións municipais perdidas (1.295.181,08 euros en efectivo e 279.470,62 € en letras de cambio a favor desta empresa)
* Nada máis chegar ao Goberno local, o grupo municipal do Partido Popular decide bloquear os pagos comprometidos polos socialistas e pendentes de abonar a esta empresa por valor de 1.051.771,2 €. Paralelamente inicia accións legais contra esta empresa diante das sospeitas de presuntas irregularidades no contido do contrato subscrito polo Goberno municipal do PSOE
* Dende aquela (hai máis de 10 anos) o Concello leva inmerso en xuízos co obxecto de recuperar para o erario público do municipio as cantidades indebidamente pagadas polo goberno municipal do PSOE a esta empresa e tamén para evitar pagar o comprometido polos socialistas.
* Grazas a esta xestión, no ano 2005 a Xustiza obriga á empresa a devolver os 279.470 euros das letras de cambio comprometidas polos socialistas no seu período de Goberno municipal en funcións.
* Agora -setembro de 2010- os xulgados volven a dar a razón ao grupo de Goberno do PP e obriga á empresa a devolver ás arcas municipais 156.574,23 euros máis en base á liquidación final do contrato que unía á empresa Coto co Concello e que foi feita en base a informes periciais de dúas empresas independentes.
* En total -nestes 10 anos- o Goberno municipal do Partido Popular logrou recuperar para os veciños do municipio as seguintes cantidades económicas:
Concepto Cantidade (€uros)
Letras de Cambio: 279.470,02 €
Liquidación: 156.574,23 €
Bloqueo de pagos comprometidos 1.051.771,20 €
TOTAL aforrado: 1.487.815,45 €
* Isto arroxa que, dos 2.626.422,90 € que pretendían pagar os socialistas, o custe real do Plan de Asfaltados de Cervo (Plan Placer) subscrito polo grupo socialista estando en funcións de Goberno foi tan só de 1.138.607,45 € (un 43% do inicialmente presupostado e valorado):
Custe inicial contratado polo Goberno local do PSOE 2.626.422,90 €
Recuperado/aforrado polo Goberno local do PP 1.487.815,45 €
CUSTE REAL 1.138.607,45 €
(43% do inicialmente presupostado)
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
