Cando un equipo de goberno toma unha decisión, fai unha obra ou celebra un acto, sempre pensa que acertou de pleno e moi raramente admite ningunha critica, suxerencia ou comentario o respecto.
Podemos dicir que caen na autocomplacencia, e o non admitir erro algún, están a renunciar a mellorar no futuro.
Por a contra a oposición, xeralmente ve todo mal, considera toda decisión errónea e non recoñece ningún acerto por parte do equipo gobernante.
Con esta cerrazón en non recoñecer os acertos do equipo gobernante, a oposición está a perder credibilidade, a posibilidade de acordos e futuros apoios.
Xeralmente a realidade e a certeza está nun punto medio. Todas as decisións, actos e acordos teñen algo de positivo, pero todo e mellorable e cuestionable.
Tendo en conta todo o anterior eu quería dicir con respecto o día do deporte celebrado en Foz que está moi ben i e moi positivo o fomento do deporte en xeral. E a celebración do día do deporte celebrada fai uns días foi un acerto no sentido de sensibilizar e animar os mais xoves a practica deportiva.
Pero aínda recoñecendo o acertado da idea, o éxito da participación e a calidade do ofertado hai unha serie de consideracións que creo que se poderían mellorar e nese sentido as suxiro para futuras edicións. As miñas suxerencias son:
- A actividade deportiva está moi ben. Pero non só entre os mais novos, senón en todas as idades, e por iso propoño que se fagan tamén actividades para todos dende os mais cativos ata os de mais idade. Cada un de acordo as súas posibilidades. Isto tamén axudaría a fomentar o deporte en familia.
- Con respecto o lugar de celebración considero que se debería facer en zonas onde se minimizaran as molestias, e sé e posible en varios puntos. Podería ser na esplanada do múelle, en Portochico, na praia, etc.
- Non considero acertado o corte da avenida Álvaro Cunqueiro e a súa celebración en dita rúa por varios motivos:
- En Foz hai un importante colectivo de persoas que traballan de noite (no hospital, en Aluminio, etc) e non e moi agradable para unha persoa que se deita as 7, 8 ou 9 da maña, que dende primeira hora haxa barullo na rúa durante todo o día.
- Nesa rúa están os dous tanatorios de Foz. En caso de que o día da celebración do día do deporte, en algún deles houbera un finado, non sería moi agradable para unha familia ter que recibir o duelo con musica e festa na rúa. Por outro lado podería darse o caso de que ese día houbera un enterro. Coa calle cortada haber por onde se ia pasar. Pois eu non creo que a organización tivese asegurado que ese día os tanatorios non ían ter ningún inquilino.
En fin o día do deporte celebrado en Foz tivo moi ben, pero pode e debe de ser mellorado.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
