NOTA DE PRENSA:
REGO AFIRMA QUE TÓDALAS INVERSIÓNS QUE ANUNCIOU O PARTIDO POPULAR PARA O HOSPITAL DA COSTA DE BURELA XA ESTABAN CONSIGNADAS NO ORZAMENTO DO 2009
– O deputado do PSdeG-PSOE Ismael Rego asegura que “o Goberno de Feijoo non consignou nin un so euro a maiores nos orzamentos do 2010”
– Denuncia que os populares recortaron tódolos investimentos no centro hospitalario, incluíndo aqueles adicados ao seu funcionamento interno
– Sinala que o Partido Popular vai ter oportunidade de amosar o seu compromiso e a súa aposta polo Hospital da Costa, xa que o vindeiro venres 3 de setembro (pola mañá) na Comisión 3ª do Parlamento, será debatida unha iniciativa socialista na que propoñemos que o Goberno de Feijoo manteña as previsións do anterior executivo autonómico.
Burela , 1 de setembro de 2010. O deputado do Grupo Parlamentario do PSdeG-PSOE Ismael Rego lémbralle ao PP que tódalas inversións que anunciou para realizar no Hospital da Costa de Burela xa estaban consignadas no orzamento do ano 2009, co goberno de Emilio Pérez Touriño.
O deputado do PSdeG-PSOE Ismael Rego lamenta que o Partido Popular pretenda vender como gran aposta para o Hospital Comarcal as inversións que eles mesmos paralizaron no ano 2009. E lembra que “ o Goberno de Feijoo non consignou nin un so euro a maiores nos orzamentos do 2010”. Ademais denuncia que os populares recortaron tódolos investimentos no centro hospitalario, incluíndo aqueles adicados ao seu funcionamento interno.
Rego asegura que estas políticas trouxo como consecuencia que a día de hoxe os cidadáns da Mariña luguesa soporten, gracias a brillante xestión do Goberno do Partido Popular e de Feijoo, as listas de espera mais elevadas de toda Galicia e nunca vistas en toda a Historia do Hospital da Costa.
O deputado socialista sinala que o Partido Popular vai ter oportunidade de amosar o seu compromiso e a súa aposta polo Hospital da Costa, xa que o vindeiro venres 3 de setembro (pola mañá) na Comisión 3ª do Parlamento, será debatida unha iniciativa socialista na que propoñemos que o Goberno de Feijoo manteña as previsións do anterior executivo autonómico neste hospital. Ademais reclama poñer en marcha de xeito inmediato o Plan Funcional que xa quedou redactado, para poder realizar a ampliación do Hospital, cun orzamento previsto de 9,6 millóns de euros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
