NOTA DE PRENSA:
ARREDOR DE 38.000 PERSOAS SE ACHEGARON ÁS OFICINAS DE TURISMO DE RIBADEO DURANTE OS MESES DE XULLO E DE AGOSTO, SEGUNDO OS DATOS FACILITADOS HOXE POR FERNANDO SUÁREZ.
Ribadeo, 6 de setembro de 2010. Arredor de 38.000 persoas se achegaron ás oficinas de turismo de Ribadeo durante os meses de xullo e de agosto. Os datos foron dados a coñecer esta mañá polo alcalde.
Fernando Suárez dixo que “tendo enriba da mesa todos os datos de afluencia de turistas referidos tanto á oficina do parque de San Francisco e ao punto de información de As Catedrais como as visitas ao ascensor e a acollida do bus praia, creo que este ano foi o de máis aflucencia de turistas na época estival. Si xullo xa foi importante en agosto batemos todos os récords a pesares de que o ano 2009 foi tremendamente positivo”. O rexedor pensa que “esta circunstancia da crise económica moitas veces ocasiona que hai certo turismo que antes non viña e que agora escolle sitios como Ribadeo para vir pasar, tres ou catro días, pero en definitiva o sumatorio de toda esta xente da que moitísimas persoas estiveron no noso concello”.
Suárez Barcia sinalou que “os datos convidan a pensar que as cousas se están a facer ben, pero tamén convidan a seguir traballando noutras moitas. En agosto viñeron aproximadamente a pedir información turística unhas 23.600 persoas, 14.000 pasaron pola oficina de Ribadeo e máis de 9.000 polo punto de información de As Catedrais. Esto significa un incremento dun 20% con respecto do ano 2009. En total durante os meses de xullo e agosto arredor de 38.000 persoas viñeron pedir información ás oficinas de turismo do noso concello. Son cifras espectaculares”.
Madrileños, cataláns e vascos son os que máis visitan Ribadeo ademáis de asturianos e galegos, sobre todo nas fins de semana. Alemáns e franceses son os extranxeiros que máis acuden a este concello seguidos de ingleses e italianos.
Ascensor
O alcalde tamén se referiu ao ascensor panorámico de Ribadeo que “rexistrou 16.000 arranques, é dicir 16.000 pulsacións de subida ou de baixada. Esto da unha idea tamén da cantidade de xente que anda polo casco vello, que vai polo paseo marítimo e polo porto deportivo. E tamén quero referirme ao bus praia dunha empresa particular coa que asinamos un convenio para darlle difusión, o seu primeiro ano foi satisfactorio. Esta posibilidade de levar á xente desde Ribadeo ata as praias de As Catedrais, Esteiro, Os Castros e Illas foi algo que se debe repetir para o ano que ven. A medida que ía pasando o tempo máis xente ía descubrindo este servizo pioneiro e novo e o utilizaba para os seus desprazamentos”.
Suárez Barcia felicitou “á profesionalidade dos hosteleiros porque as técnicas de información turística valoran que a xente que acude a elas sempre ten moi boas palabras para o sector, din que quedan moi contentos co trato dispensado e aseguran que voltarán a Ribadeo”.
Casco vello
O rexedor engadiu que “moitos turistas notan e valoran que se está a amañar o casco vello, pero tamén notan que hai todavía moitos inmobles e singularmente a Torre dos Moreno que precisan que se lles meta man, entendemos que ten que ser a través dos seus lexítimos propietarios que son os particulares, pero isto nos anima para seguir traballando con esta política de cara á rehabilitación do casco vello de man tendida con quere e de man dura con quen non quere. Para o resto do casco vello sen rehabilitar e para a Torre dos Moreno seguimos traballando, moitas veces con discreción e sen dicir nada. Somos conscientes de que isto é unha fonte de riqueza non só para os seus propietarios, que ás veces son uns indolentes e non se dan conta do preciado ben que teñen, senón para o conxunto do casco vello. Témolo moi claro desde o equipo de goberno e é o noso norte dentro das políticas de rehabilitación”.
Ribadeo atendeu unhas 38.000 persoas nas oficinas de turismo durante os meses de verán
Relacionado
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
-
Arrincou en Ribadeo o ciclo de charlas da FCAM sobre o futuro laboral na Mariña
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
