Nota de prensa
PRIMEIRO TRIUNFO E GOLEADA DAS RIBADENSES EN AUTONÓMICA
O Panificadora del Eo-Ribadeo FS conseguiu o seu primeiro triunfo de Autonómica, na segunda xornada, con goleada ante o Castrelo FSF (7-0), outro dos noveis da categoría. As mariñás dominaron un encontro a priori equilibrado, que aínda puido resolverse cun marcador máis contundente, de non ser polas intervencións da meta visitante, Sheila, e os desvíos dos paus.
As ribadenses saíron indecisas esperando o rival en media cancha, pero axiña se deron conta das fraquezas do Castrelo, que só inquedou a Carla en dúas ocasións durante todo o partido.
Xa no minuto 1, Nuria inaugurou o marcador para as locais, seguida de Iria (11), Sofía (17) e María (4-0). Tras o descanso, de novo Nuria subiu o 5-0 nos momentos iniciais. A partir dese momento, o Castrelo pechouse nun cuarto da súa parcela e renunciou a increpar a meta ribadense. O Panificadora só puido perforar a portería ourensá noutras dúas ocasións, nas zapatillas de Eva (26) e Yoli (34).
Xornada 3. Este resultado dá confianza ás xogadoras de Martínez para o seu desprazamento a próxima fin de semana a Santiago de Compostela para enfrontarse na terceira xornada a outro dos potentes de Autonómica, Funeraria Apóstol.
Ficha técnica
Panificadora del Eo-Ribadeo FS: Carla, Sofía, Nuria, María e Fátima, no cinco inicial; tamén xogaron Eva, Iria, Yoli e Elvira.
Castrelo FSF: Merce, Erika, Raquel, Laura e María, no cinco inicial; tamén xogaron Da Cruz, Ana e Sheila.
Goles: 1-0, minuto 1, Nuria; 2-0, minuto 11, Iria; 3-0, minuto 17, Sofía; 4-0, minuto 20, María; 5-0, minuto 21, Nuria; 6-0, minuto 26, Eva; 7-0, minuto 34, Yoli.
Tarxetas amarelas: Elvira, polo Ribadeo FS
Árbitros: Aparicio Carrasco e Javier Mogo (anotador), da delegación lucense
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
