Nota de Prensa
O PP negase a crear a Comisión para Reformalo
OS SOCIALISTAS DENUNCIAN QUE NÚÑEZ FEIJOO OPONSE A REFORMAR O ESTATUTO DE GALICIA
– O portavoz do Grupo Parlamentario dos Socialistas de Galicia, Xoaquín Fernández Leiceaga, dixo que dende o PSdeG-PSOE “estaremos sempre dispostos a abordar esta reforma”, pero advirte que coa postura intransixente do PP “non é posible nin comezar”
– O Secretario Xeral do PSdeG-PSOE Manuel Pachi Vazquez interpelará a Feijoo sobre as reprogramación das infraestructuras viarias da Xunta
-O PP rechazou as comparecencias do Conselleiro de Educación e de Infraestructuras
– O ERE de Saragadelos, as becas das dos xovenes investigadores galegos ou a Dependencia na nosa Comunidade, son algunhas das iniciativas que defenderá o PSdeG
-Reclamou que ou o Presidente da Xunta ou a Conselleira de Facenda, presenten en sede parlamentaria, o Plan Estratéxico 2010-2014 “ e que non sexa un Director Xeral como propón o Goberno”
Santiago de Compostela, 21 de setembro de 10. O portavoz do Grupo Parlamentario dos Socialistas de Galicia, Xoaquín Fernández Leiceaga, denunciou hoxe a nula disposición, e a oposición do PP, para a Constitución da Comisión para a Reforma do Estatuto, prantexada polo PSdeG-PSOE no anterior período de sesións.
Trala reunión da Xunta de Portavoces Leiceaga lamentou que por mor da oposición política do Partido de Feijoo “non sexa posible afrontar dende o Parlamento, co consenso de tódolos grupos, a Reforma do Estatuto de Galicia”. Dixo que dende o PSdeG-PSOE “estaremos sempre dispostos a abordar esta reforma”, pero advirte que coa postura intransixente do PP “non é posible nin comezar”. Ademais non descartou buscar outras vías para acadar un novo consenso estatutario. E insistiu nas súas criticas“para os populares ningún momento é oportuno”.
No que atinxe ao Orde do Día do vindeiro Pleno da cámara Autonómica, Leiceaga reclamou a comparecencia do Conselleiro de Educación “para explicar o inicio do curso escolar”, do que dixo “foi prodigo en dificultades en moitos centros, por mor da falta de profesores, e tamén polas anuncios sobre os recortes anunciados por Feijoo”. A maiores solicitou a comparecencia do Conselleiro de Infraestructuras “do Grupo MATI” para informar dos recortes do Plan Move, que vai ter unha axuste severo, e que o propio Conselleiro cifrou nun 30%. As dúas comparecencias foron rexeitadas polo Partido Popular. Leiceaga anunciou que o PSdeG-PSOE defendera unha moción sobre este asunto.
O Secretario Xeral do PSdeG-PSOE Manuel Pachi Vazquez interpelará a Feijoo sobre as reprogramación das infraestructuras viarias da Xunta.
Outra moción versara sobre a financiación publico-privada “xa que entendemos que os servicios básicos non deben financiarse por esta vía, e debe garantirse a súa sostibilidade”, subliñou. A terceira moción esta relacionada co impulso da IXP Tenreira Galega e a marca de calidade VAC1.
Sargadelos
Tamén esta na orde do Día o ERE do Grupo Sargadelos, dende o PSdeG-PSOE “impulsaremos unha iniciativa para impedir que a Xunta apoie un ERE extintivo, xa que entendemos que non se corresponde coa situación do grupo empresarial a día de hoxe”. Dixo que esta empresa é un símbolo que traslada fora da Galicia a nosa identidade “e solicitamos que a través do IGAPE se impulse un Plan especifico para dar cobertura as necesidades financeiras a esta empresa e garantir a súa viabilidade”.
Leiceaga tamén amosou a preocupación do PSdeG-PSOE do futuro laboral dos xovenes investigadores galegos, denunciou que para o ano 2011 non están garantidas as convocatorias que permitan continuar as carreiras profesionais dos mozos galegos. Reclamamos a Xunta que faga un esforzo “para non truncar o futuro, dun dos elementos claves e para facela competitiva nun futuro”.
As interpelacións xiraran entorno a Dependencia na nosa Comunidade, amais do compromiso da Xunta co transporte metropolitano dependente da Xunta. Nas preguntas orais serán sobre a paralización de prazas nas escolas infantís e a paralización da apertura do Hospital de Lugo.
Por último aludiu a tramitación do Plan Estratéxico 2010-2014, tratado tamén na Xunta Portavoces. Denunciou que a súa presentación en comisión “non pode devaluarse ata tal punto, de que sexa un Director Xeral quen a presente”. Asegurou que o seu caracter transversal e plurianual precisa da presencia do Presidente da Xunta ou da Conselleira de Facenda. Ademais lembrou que xa se realizou unha presentación publica deste Documento (a empresarios e medios de comunicación) donde contaron con estes dous anfitrións.
Recortes orzamentarios
Tamén se referiu ao recortes orzamentarios anunciados por Feijoo. Sobre a supresión do servicio de Noitebús, lamentou que desapareza “un símbolo do modelo progresista”, e mentres denuncia “o PP non fala nada sobre a racionalización da Administración pública, mentres aumentan cos Delegados Territoriais”, espetou. E sobre os comedores escolares, preguntouse, si Feijoo considera este servicio opcional?. Pola contra criticou a campaña publicitaria “millonaria” do Decreto do Plurilingüismo. Asegura que as eleccións de Feijoo para investir os presupostos da Comuniadade explica as claras a política en materia social deste Goberno.
Tránsfugas
Preguntado polos xornalistas sobre a presencia de tránsfugas nas listas do PP. Leiceaga afirmou que “si en algo se caracterizou o PP é en saber usar os tránsfugas para mover municipios, especialmente Pontevedra e Lugo”. E sinalou que “solo busca o momento máis adecuado para dicirllo aos cidadáns”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
