Nota de Prensa
O GMPP vé “indefinido e pouco serio” o anuncio do alcalde a peatonalizar “dúas ou tres rúas”.
Os populares consideran que hai que elaborar propostas consensuadas cos veciños, e non buscar facerse o simpático.
Ven o anuncio semellante ó dos premios ós solares máis limpos, que ainda non se deu o primeiro.
O Grupo Municipal do Partido Popular (GMPP) de Burela considera que “o anuncio do alcalde de estudiar a peatonalización de “dúas ou tres rúas” carece de seriedade e de rigor, pola súa indefinición e vaguedade”.
Para os populares, “cando se fala de peatonalizar hai que facelo con estudios, proxectos e informes, cousa que o alcalde non fai, o que vén a demostrar, unha vez máis, a súa inconsistencia política e a súa ausencia de proxecto de futuro para Burela”.
Eses estudios e proxectos “deben contemplar as rúas ou tramos de rúa que se queren peatonalizar, alternativas de movilidade tanto de peatóns como de vehículos, e alternativas de aparcamento”. O GMPP considera que “se o alcalde tén tales estudios e proxectos, debe convocar ós grupos políticos para expoñerllos, e ademais convocar ós veciños e propietarios de negocios e comercios das zonas que se pretenden peatonalizar. Pero lanzar así, tan alegremente, un anuncio semellante, o que fai é xenerar inquedanza e malestar innecesarios”.
Ademais, os populares consideran que “hai un factor adicional que nos move a pensar que este anuncio se parece moito ó dos premios ós solares máis limpos e lucidos, que dous anos despois ainda non se premiou ningún, e é que en tres anos o alcalde non se deu conta da posibilidade de peatonalizar ningunha rúa e de repente encéndeselle a lampariña máxica”. “Coas cousas de comer, non se xoga, e o alcalde semella querer facerse o simpático con este tipo de anuncios con escasa ou nula consistencia”, indican os populares.
Máxime, rematan, cando se está a elaborar un Plan Xeral de Ordenación Municipal, que debe contemplar precisamente estas circunstancias.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
