NOTA DE PRENSA
O PP pide un área de rehabilitación integral para o barrio das Casas Baratas.
Os populares afirman que desde o BNG enganouse ós veciños co proxecto de cambio de tellados.
Lembran que foi o PP quen comenzou o proceso de regularización da propiedade das vivendas.
O Grupo Municipal Popular (GMPP) de Burela presentou dúas mocións para seren debatidas e aprobadas se procede na sesión plenaria que se celebrará mañán, xoves, ás oito da tarde. A primeira está referida ás Casas Baratas e a segunda ó pago da contía que o concello de Burela tén que devolver ó Estado correspondente ó exercicio de 2008.
En canto á moción sobre as Casas Baratas, o GMPP plantexa na moción que o bipartito burelés solicite á Xunta, no prazo de tres meses, un área de rehabilitación integral (ARI) para o barrio das Casas Baratas, e que o concello se comprometa a consignar nos presupostos de 2011 as contías que se deriven da posta en funcionamento da ARI.
Os populares lembran que foi o PP quen puxo en marcha o proceso de regularización da propiedade das Casas Baratas, e que foi o BNG, co silencio cómplice do PSOE, quen enganou ós veciños plantexando un proxecto de cambio de tellados que non contou nunca coa consabida consignación presupostaria. A Xunta chegou a pedir licencia municipal de obra, licencia que ainda está sen pagar, pero nin licitou nin por suposto adxudicou as obras. E dentro do BNG hai culpables con nomes e apelidos, como a ex-conselleira Teresa Táboas, pero sobre de todo Neves Cando.
A área de rehabilitación integral é unha fórmula confinanciada en grande medida pola Xunta e o Goberno Central, na que o concello se compromete tamén a aportar unha parte para a posta en marcha dunha oficina técnica adicada integramente ó desenvolvemento da ARI. Os propietarios incorpóranse voluntariamente á mesma, aportando unha cantidade que ronda o vinte por cento da actuación, ou sexa, a outra parte da financiación. Esta fórmula non é exclusiva para zonas coma esta, senon que se pode usar para outros barrios ou zonas con problemáticas
específicas, cuestión que o concello debería plantexarse, xa que nestes tres anos nada fixeron en materia de vivenda.
Desde o PP indican que sempre se plantexaron unha colaboración cos veciños dentro da legalidade vixente, e esta é unha das fórmulas. Lembran que, hai algo máis de dous meses, o PP plantexou no Parlamento de Galicia esta posibilidade como enmenda a unha proposta do BNG, enmenda que nacionalistas e socialistas rexeitaron. Agora, afirman os populares, despois de quedar máis claro ca auga quen enganou a quen, agardamos que o bipartito burelés apoie esta moción.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
