Nota de Prensa
NOTA DE PRENSA
O anterior Goberno bipartito e o Executivo socialista de Asturias non contribuíron en absoluto a satisfacer as necesidades en infraestruturas que ambas comunidades veciñas teñen, pese a comprometerse a elo nos distintos cumios interatonómicos
O Grupo Popular promove un acordo no Parlamento de Galicia polo que se lle insta a Fomento a acelerar a finalización da autovía do Cantábrico e retomar o proxecto do AVE
* O PP esixe ao departamento de Jose Blanco que adopte todas as medidas necesarias para que a A-8 estea en servizo no ano 2011
* Piden tamén que Fomento retome a redacción do Estudo Informativo do corredor ferroviario de alta velocidade entre Ferrol- Asturias – Cantabria e Bilbao
A Mariña, 10 de setembro de 2010.- O Grupo Popular promoverá na vindeira sesión plenaria do Parlamento de Galicia a adopción dun acordo polo que se lle esixe ao Ministerio de Fomento a acelerar dúas infraestruturas de importancia estratéxica para a comunicación das comunidades do Noroeste español: a autovía do Cantábrico e o proxecto de redacción da liña de alta velocidade entre Ferrol – Asturias – Cantabria e Bilbao.
Máis en concreto, o Partido Popular insta ao departamento ministerial que dirixe Jose Blanco a que adopte de inmediato todas as medidas necesarias para acelerar a construción das obras, co fin de que a A-8, despois de múltiples atrancos, poida estar en servizo na súa totalidade no ano 2011. Tamén os populares reclaman que Fomento retome a redacción dos Estudo Informativo do proxecto de corredor ferroviario de alta velocidade das comunidades cantábricas, que foi contratado en 2003, de tal xeito que poida ser sometido a información pública no ano 2012.
CUMIOS INTERAUTONÓMICOS IMPRODUTIVOS
Os deputados Jose Manuel Balseiro Orol e Alejandro Gómez Alonso son os autores da iniciativa parlamentaria (proposición non de lei) a través da que queren poñer de relevo que a xestión de ambos Gobernos autonómicos, tanto o anterior bipartito galego como o socialista asturiano, non contribuíu en absoluto a satisfacer as necesidades que ambas comunidades veciñas teñen. Boa mostra disto son os incumprimentos en materia de infraestruturas e dos plans de dinamización comprometidos nos distintos cumios interautonómicos celebrados en febreiro de 2006 e no mesmo mes do ano 2007.
INCUMPRIMENTOS
Os populares insisten en que a pesar do tempo transcorrido desde os devanditos cumios entre os gobernos de Asturias e Galicia, e a pesar incluso do relevo fronte ao Ministerio de Fomento constátanse hoxe os seguintes incumprimentos:
Autovía do Cantábrico: Non se respectou o prazo de finalización da obra (previsto en 2009) e os distintos recortes, o cese durante meses da actividade e a insuficiencia orzamentaria implicará un atraso na entrada en servizo desta vía de ata 3-4 anos.
AVE Transcantábrico: O tren de alta velocidade que unirá catro comunidades autónomas e tres países (Portugal, España e Francia) foi anulado polo Executivo de Zapatero. En xaneiro de 2007, no BOE publicábase a decisión de Fomento de deixar sen efecto as encomendas de xestión afectuadas a ADIF, o xestor público de infraestruturas ferroviarias.
BENEFICIO MUTUO
Por todas estas razóns e verificado o esquecemento que Fomento practica na Mariña, e que está a causar grande malestar entre a súa poboación e representantes municipais, os populares promoverán un toque de atención ao Executivo socialista. A idea básica é que tanto Asturias como Galicia son comunidades que comparten moitas materias, situacións e inquedanzas comúns, o que aconsella unir esforzos e promover o impulso das actuacións que implicarán un beneficio mutuo para ambas comunidades.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
