Nota de prensa:
De non acadar este obxectivo o acordo transacionado afirma que a administración competente en cada pesqueiría deberá articular un programa de axudas económicas dirixidas aos tripulantes e armadores afectados polas restriccións
OS POPULARES POSIBILITAN UN ACORDO UNÁNIME DO PARLAMENTO GALEGO POLO QUE SE LLE ESIXE AO GOBERNO CENTRAL QUE RECLAME UN INCREMENTO SUBSTANCIAL NO TOPE DE CAPTURAS ASIGNADAS PARA A FLOTA DA PESCADA EN 2010 E 2011
* O Grupo Popular é favorable a que Galicia esta presente nos Consellos de Ministros da UE e xuntanzas preparatorias, para ter voz nos debates máis salientables sobre o futuro do mundo do mar, e que esta medida poida efectuarse asesorando e formando parte da delegación española
Santiago, 14 de setembro de 2010.- O Grupo Parlamentario Popular acadou un acordo co resto das forzas políticas no seo do pleno da Cámara galega polo que se lle pide ao Goberno central que adopte as medidas oportunas para lograr un incremento substancial das posibilidades de pesca asignadas para a flota da pescada no 2010 e reclamar tamén que se incremente substancialmente o tope de capturas impostas pola UE para o ano próximo. Os populares transaccionaron un acordo final no que demandan que, de non acadar este obxectivo, a administración competente na xestión de cada pesquería, deberá articular un programa de axudas económicas dirixidas a tripulantes e armadores dos buques afectados por estas restriccións e, nomeadamente, as dedicadas á captura de pescada, xarda e bertorella.
Os populares tamén consensuaron unha petición de grande importancia: que o Goberno central articule a presenza da comunidade autónoma de Galicia nas reunións do Consello de Ministros de Pesca da Unión Europea. Se trata de estar presentes naqueles foros nos que se fixen as cotas de captura correspondentes, e en todas as xuntanzas previas e preparatorias. A emenda do PP baséase nun argumento de grande peso: a rexión pesqueira máis importante do conxunto da Unión, que é Galicia, debe ter voz ante un dos debates máis salientables sobre o futuro do mundo do mar. De feito, non sería a primeira vez que un conselleiro do Goberno galego desenvolve esta actividade. A canle apropiada é asesorando e formando parte da delegación do española.
Finalmente os populares manteñen a aposta iniciada pola Consellería do Mar, de tal xeito que se dean continuidade ás medidas precisas para que, unha vez acordadas polo sector, como xa se está a facer, se impulsen melloras na comercialización dos produtos pesqueiros capturados pola flota galega, co obxecto de incrementar o prezo do peixe en primeira venda, e se distinga a procedencia galega nas fases de mercado, procesado e consumo final, controlando deste xeito as importacións de produtos foráneos que provocan unha competencia desleal fronte aos nosos produtos, de maior calidade hixiénica, sanitaria e nutricional.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
