NOTA DE PRENSA
O PP pide un aprazamento da devolución dos cartos ingresados de máis polo Estado en 2008.
Os populares afirman que os veciños verán como se resinten os servicios porque haberá menos cartos.
Califican ó alcalde de “irresponsable político” por restar importancia á devolución de 172.428’88€.
O Grupo Municipal Popular (GMPP) de Burela presentou dúas mocións para seren debatidas e aprobadas se procede na sesión plenaria que se celebrará mañán, xoves, ás oito da tarde. A primeira está referida ás Casas Baratas e a segunda ó pago da contía que o concello de Burela tén que devolver ó Estado correspondente ó exercicio de 2008.
En canto á moción sobre a devolución dos cartos de 2008, os populares indican que de O Ministerio de Política Territorial ven de facer públicos os datos relativos á liquidación da participación das entidades locais nos ingresos do Estado correspondentes ó exercicio 2008.
As cantidades que teñen que devolver as entidades locais galegas como consecuencia da liquidación do ano 2008 ascenden a 106.284.655,29 €. No caso concreto do Concello de Burela o importe a devolver ascende a 172.428’88€.
Esta situación produciuse como consecuencia da falla de previsión do Goberno de España, presidido polo Sr. Rodríguez Zapatero que, empeñado en negar as consecuencias da crise económica, presentou no ano 2008 uns orzamentos cunhas previsións de ingresos infladas, que estaban moi lonxe da realidade.
Agora, no peor momento da crise económica e ó tempo que experimentan unha notable baixada dos seus ingresos, as Comunidades Autónomas e as Corporacións Locais van verse obrigadas á devolución de importantes cantidades como consecuencia dos erros do goberno do Sr. Rodríguez Zapatero.
A esta situación hai que engadir que o Goberno de España continúa incumprindo o seu compromiso de abordar a reforma do financiamento local para garantir o principio de suficiencia das facendas locais.
As reclamacións das devolucións que tén efectuadas o Goberno de España, neste momento, pode poñer en risco o mantemento dos servizos públicos de titularidade local, razón pola que cómpre solicitar que se deixe sen efecto a liquidación efectuada ou que, no seu defecto, se adíe o pagamento da cantidade a devolver ata que exista un crecemento económico por riba do dous por cento anual en un prazo de dez anos.
Ademais, para garantir a suficiencia financeira das facendas locais, o Goberno do Estado debería garantir, como xa fixo a Xunta de Galicia co Fondo de Cooperación Local no ano 2010, que ningún concello perciba menos ingresos durante o ano 2011 en concepto de Participación nos Ingresos do Estado que os que ven percibindo durante o ano 2010.
Pero os populares advirten que o problema se vai agravar cando se coñeza a contía que hai que devolver correspondente ó exercicio de 2009, que no caso de Burela vai superar facilmente os douscentos mil euros, co que en conxunto Burela verá como merman os seus ingresosos en catrocentos mil euros en catro anos.
O sorprendente é que o alcalde non lle deu nunca ningunha importancia a esta cuestión, nin cando se fixo o anuncio, nin agora. Porque logo de ler e oir algunhas das súas declaracións decindo que o concello non o notará porque non hai que devolvelo de golpe e o Estado vai a reducir as contías mes a mes, só cabe calificar a esta persona coma un “irresponsable político”.El, como alcalde, tén que explicar que medidas vai adoptar para paliar a merma de ingresos, que pode ser de máis de cen mil euros cada un dos próximos catro anos, só no que se refire ás devolucións de 2008 e 2009, e tamén debe explicar que servicios se van ver afectados, porque está claro que algún se vai ver afectado.
Confiamos que na sesión plenaria de mañán, xoves, estas cuestións queden aclaradas e que o alcalde defina a súa liña de actuación nesta materia nos próximos meses e nos próximos presupostos municipais de 2011.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
