Nota de prensa:
Os socialistas tiñan un discurso diferente ante os empregados da empresa cerámica e outro ben distinto ante a dirección da compañía
BALSEIRO AFIRMA QUE O PSOE MENTIU EN TODO MOMENTO AOS TRABALLADORES DE SARGADELOS
· O deputado cualifica de “bochornosa” a actuación da Inspección do Ministerio de Traballo, que emitiu informes contraditorios en relación co ERE de Cerámicas de Sargadelos e do Castro, e empraza ao PSOE a explicar este trato desigual, “que nin comprende, nin comparte” pois actúan en prexuízo dos traballadores da empresa sita en Cervo.
· Balseiro lamenta que o PSOE non teña aceptado reclamar ao Goberno central, única administración con competencias no ámbito da Seguridade Social, que financiase as prexubilacións do persoal afectado polo ERE con entre 55 e 60 anos.
A Mariña lucense, 30 de setembro de 2010.- O deputado do Grupo Popular, Jose Manuel Balseiro Orol, vén de responder ás afirmacións realizadas polo voceiro socialista de emprego, José Tomé Roca, lembrándolle que “os que moito e en todo momento mentiron aos traballadores de Sargadelos foron os membros do PSdeG que, acompañados pola portavoz desta formación política en Cervo, dixéronlle unha cousa á empresa e outra ben distinta aos seus empregados” O deputado mariñán insiste en que mentres que por unha banda o PSOE aseguraba apoiar ao persoal da factoría cerámica cervense, pola outra actuaba en contra dos seus intereses.
Balseiro cualifica de “absolutamente falsas e difamatorias” as verbas que o socialista Tomé Roca lle atribúe, entre outras cousas que “bastante facía con escoitar aos traballadores”. “Todo o contrario, como poderán testemuñar os membros do Comité de persoal” o deputado popular sempre amosou “a súa máxima disposición para recibir e colaborar cos representantes dos empregados de Sargadelos, xa non só por compromiso político na defensa dunha empresa mariñá, senón tamén por compromiso persoal, xa que moitas das persoas afectadas por esta crise empresarial son veciñas e veciños do meu concello”.
BOCHORNOSO INFORME DE INSPECCIÓN
Segundo o deputado popular as manobras do PSOE o único que intentan agochar é un feito “verdadeiramente bochornoso”, isto é o contido do informe da Inspección do Ministerio socialista de Traballo e Seguridade Social. Balseiro Orol “nin comparte, nin comprende” como é posible que desde o Goberno central emitan dous informes contraditorios para as fábricas de Sargadelos e O Castro, informes que, polo seu contido, prexudican dun xeito notable aos empregados de Cervo.
Balseiro lembra que a lexislación sobre os expedientes de regulación de emprego (ERE´s) é de carácter estatal. Nela establécese que os informes da Inspección de Traballo son preceptivos á resolución da Xunta. No tocante á fábrica de Sargadelos a Inspección de Traballo establece de xeito literal que “queda acreditada a existencia de causas obxectivas, reais, actuais e cunha entidade e permanencia suficientes para motivar o proceso extintivo e descartar a situación (económica de Sargadelos) como coxuntural”. A devandita conclusión debera obrigar –en opinión do deputado popular- a que o PSOE dea as explicacións oportunas, xa que está a consagrar un trato desigual respecto de ambas empresas do Grupo Sargadelos.
O PSOE QUERE AFORRARSE AS PREXUBILACIÓNS
Finalmente Balseiro signifiocou unha nova mentira dos socialistas cando lamentaban “a falta de apoio da Consellería” ante propostas menos traumáticas como “baixas voluntarias incentivadas ou prexubilacións”. No mesmo momento no que os socialistas facían esta proposta nos medios de comunicación, o Grupo do PSOE na Cámara galega negábase a votar a favor da emenda do Grupo Popular na que precisamente se estaba a reclamar isto, é dicir, que o Goberno central, como única administración competente en materia de Seguridade Social, achegara as axudas previstas para financiar estas prexubilacións e outorgar aos traballadores afectados polo ERE as axudas correspondentes. Segundo o PP o único que pretende facer o PSOE é aforrar ao Estado o importe das prexubilacións, un comportamento que cualificou de “dramático e incomprensible”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
