Nota de Prensa
A Deputación aproba obras por valor de 1,2 millóns de euros en 4 Concellos da provincia
– Trátas de 6 novas actuacións que se levarán a cabo nos municipios de Taboada e Guntín, dentro do canon 2008-2009, así como nos de Navia de Suarna e Chantada dentro do Plan de Obras e Servizos de 2010
– Antonio Gato subliña que “mentres continuamos impulsando a obra pública na provincia, o goberno de Feijóo, facendo caixa, deixou caer a obra pública nun 57% en 2009. O Presidente da Xunta ten ós Concellos abandonados en relación coas novas obras”
– O vindeiro luns celebrarase o Pleno do Consorcio Provincial de Bombeiros para avanzar na posta en marcha dos parques e o xoves presentarase o libro Km0.Rutas Provincia de Lugo”, a 1ª publicación que vende á provincia na súa totalidade
A Xunta de Goberno deste venres aprobou seis novas obras por valor de 1,2 millóns de euros nos Concellos de Taboada, Guntín, Navia de Suarna e Chantada. Trátase do acondicionamento dos accesos As Neves e Xián, Catelo-Ider, Insua- Vila, no municipio taboadense, e de Trasdulfe a Pradeño, no de Guntín. Estas actuacións, que suman 365.164 euros, inclúense dentro do canon 2008-2009. Asimesmo, adxudicouse o ensanche e mellora da estrada provincial que vai de Navia de Suarna por Silvouta a Vilaquinte. Esta é a segunda actuación que o organismo provincial executará co Plan de Obras e Servizos (POS) de 2010, dotado con 2,2 millóns de euros. Neste caso, o investimento que se adica ó acondicionamento de 4 quilómetros deste vial ascende a 800.000 euros.
O voceiro provincial socialista, Antonio Gato Soengas, subliñou que “a Deputación continúa impulsando a obra pública nos Concellos a diferenza da Xunta que, facendo caixa, deixou caer a obra pública nun 57% en 2009. Feijóo ten ós Concellos abandonados en relación coas novas obras e adícase dende a Consellería de Política Territorial a asinar convenios cos 51 municipios do Camiño; convenios por valor de 285 euros nalgún caso ou de 300. Se botamos contas do que costan os informes de asesoraría xurídica ou a mensaxería, probablemente se gaste máis do que se recibe”.
A este respecto, Gato Soengas engadiu que “esta é a mostra clara do goberno de Feijóo, quen, sen embargo, segue tende cartos para o Gaiás, para a visita do Papa ou para publicitar o decreto, ten cartos para todo menos para cooperar cos Concello e para facer obra pública”.
Ademais dentro do POS, aprobouse a adxudicación provisional do abastecemento ó polígono industrial dos Acivros, en Chantada. Para esta actuación, que ten un investimento total de 170.000 euros e financiada polo Ministerio de Administración Pública, Deputación e Concello, o organismo provincial achega 22.347 euros.
Pleno Consorcio Provincial de Bombeiros
Antonio Gato anunciou que o vindeiro luns, ás 10:15 horas, celebrarase o Pleno do Consorcio Provincial de Bombeiros no que se avanzarán os trámites para avanzar na posta en marcha da rede provincial de extinción de incendios. Na sesión está previsto que se aprobe a liquidación do Orzamento de 2009, a modificación dos Estatutos, os pregos para a xestión dos 4 parques de nova construción (Viveiro, Vilalba, Chantada e Sarria) máis os de Barreiros e Monforte, así como a adquisición de novo material para o equipamento dos mesmos.
O 1º libro que vende toda a provincia
Antonio Gato anunciou que o xoves, 30 de setembro, ás 20:00 horas, no restaurante dos Robles presentarase o libro “Km0.Rutas Provincia de Lugo”. Trátase do primeira publicación que vende a provincia na súa totalidade. Nel recóllense as 127 rutas que forman o programa medioambiental pioneiro en España de visitas institucionais á provincia e á Deputación; unha iniciativa que acadou grande éxito e sobre a que xa mostraron interés outras institucións provinciais de Galicia e do resto do Estado. Nestes momentos, unhas 18.000 persoas xa participaron neste programa.
Ademais das rutas de Km0, o libro inclúe as 14 da modalidade Xtreme, que poñen en valor as Reservas de la Biosfera a través do deporte e a multiaventura, e as 25 de Km0 a Compostela, iniciativa coa que a Deputación se converteu na primeira administración cunha programación estable previa ó Xacobeo.
Este programa reivindica o papel da Deputación e faina visible ó tempo que impulsa a economía provincial a través do medio ambiente e do comercio. Tal é así que con esta iniciativa o organismo provincial contribúe a manter 3.000 postos directos e indirectos en sectores como os do comercio, hostalería ou turismo.
Ó acto de presentación están convidadas autoridades provinciais e locais, proveedores de Km0, centros culturais que se visitan co programa, casas de turismo rural, restaurantes, asociacións culturais e veciñais, etc.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
