Nota de Prensa
O CONCELLO VOLVE A FACER TAREFAS DE MANTEMENTO DAS CUNETAS DOS VIAIS DA DEPUTACIÓN DIANTE DA CONTINUA PASIVIDADE DO ORGANISMO PROVINCIAL
* Ao igual que xa fixeran hai dous meses, operarios municipais realizan estes días a limpeza das cunetas da estrada que une Río Cobo con San Ciprián
Cervo, 21 de setembro de 2010.- O Concello de Cervo vese na obriga de volver a facer tarefas de limpeza e mantemento dalgún dos numerosos viales que posúe a Deputación Provincial dentro deste termino municipal. Concretamente varios operarios municipais realizan estes días tarefas de limpeza e roza da maleza existente nas marxes da estrada provincial LU-1501 que une os núcleos de Río Cobo e San Ciprián.
Segundo lembrou a edil de Medio Ambiente, Pilar Armada, “non é a primeira vez que o Concello ten que facerse cargo dunhas obrigas que non lle pertencen, e todo pola pasividade e pasotísmo da que ven facendo gala a Deputación no que atinxe ao coidado das súas estradas” recalcou Armada.
“Despois de que fixeramos infinidade de peticións para que acometeran estes traballos en xuño, ao igual que fan noutros concellos da provincia , os responsables políticos na Deputación amosaron unha vez máis a súa inoperancia cando hai unhas semanas se dignaron por fin a rozar varias estradas do concello. Pero, ao parecer, estes traballos non quedaron ven feitos porque agora nós temos que ir detrás cortando os brotes verdes que eles esqueceron quitar” sinalou a edil do grupo de Goberno local quen asegurou que este proceder dos responsables do organismo provincial deixa de manifesto “a vagancia e inoperancia” dos responsables provinciais, “entre os que figura a concelleira cervense Lara Méndez”
Armada indicou tamén que os traballos continuarán por outras estradas do municipio de ámbito provincial “namentres seguimos esperando a que a Deputación se digne a asumir as súas responsabilidades dunha vez por todas e con tódalas súas consecuencias”.
Para Armada, este comportamento “permisible de máis” da Deputación nalgúns dos seus traballos de mantemento nas infraestruturas da súa titularidade “coincide sempre sospeitosamente” con concellos que non son da súa cor política. “Non nos parece lóxico que para levar adiante tarefas en determinados concellos os responsables políticos da Deputación sexan exquisitos e dilixentes ao cen por cen, mentres que para outros concellos coma o noso, esa dilixencia se converta en pasividade e laxitude. Se por algo se teñen caracterizado nestes tres anos e medio os membros do equipo de Goberno provincial do que forma parte a señora Méndez é por ter sempre os seus deberes sen facer e pola folganza en todo o que teña que ver con algúns municipios moi concretos e en particular co Concello de Cervo” recalcou a edil do grupo de Goberno local.
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
O conselleiro do Mar asistiu este sábado ao partido do Burela Fútbol Sala e o Manzanares.
Continuando cos actos conmemorativos, o 27 de decembro terá lugar un concerto de panxoliñas na igrexa de Vila do Medio.
