Nota de Prensa
O BNG DARÁ CHARLAS INFORMATIVAS SOBRE O POL EN TODAS AS PARROQUIAS AFECTADAS DE FOZ
Basanta afirma que o POL hipoteca o futuro do Concello ao quedar todas as parroquias como solo rústico
O BNG pasáralle aos veciños modelos para alegar
Foz, 10 de setembro de 2010.- O BNG inicia a próxima semana charlas informativas sobre o novo documento do Plan de Ordenación do Litoral (POL) que a Consellaría de Medio Ambiente aprobou inicialmente a finais de xullo. As charlas daranse en todas as parroquias afectadas: o luns 13 en Vilaronte no centro social da Asociación O Castro, ás 20:30; o mércores 15 en Forxán (San Martiño) no local social da Asociación de Veciños, ás 20:30 h.; o Venres 17 en Foz, na Casa da Cultura, ás 20:30 h.; e o sábado 18 en Cordido na antiga escola, ás 18:00 h e en Cangas, no Centro Cívico, ás 20:00 h.. Xa para a semana seguinte o luns 20 en Nois no Centro Cívico e o mércores 22 en Fazouro na antiga escola, os dous ás 20:30.
O Portavoz Municipal do BNG, González Basanta, afirmou que “o feito de volver a explicar o POL aos veciños é debido a que o Grupo de Goberno non fai os deberes neste tema e da a sensación de que non vai con eles, e ten que ser o BNG quen informe e clarifique un documento tan importante e que tanto prexudica a Foz como este Plan de Ordenación do Litoral.” Neste sentido, o Grupo Municipal nacionalista xa solicitou unha convocatoria urxente da Comisión de Urbanismo do Pleno dado que o prazo de alegacións remata o día 30 deste mes e aínda non sabemos que vai a facer o Concello. Nas reunións ademais de informar facilitaraselles a todos os asistentes modelos de reclamación por se queren alegar.
Para o BNG de Foz, como xa pasou coas Directrices de Ordenación do Territorio, o POL discrimina claramente ao noso Concello e deixa ao descuberto as mentiras da Xunta en relación cos núcleos de identidade litoral e polo tanto a imposibilidade de usos residenciais en Cordido, Vilaronte, Forxán (San Martiño), Fazouro, Nois e Cangas. Neste sentido, Basanta recordou que o “o PP comprometeuse cos portavoces dos grupos da corporación focega, cos redactores do PXOM e cos servizos técnicos do Concello a incluír Vilaronte, Forxán, Fazouro, Nois e Cangas como núcleos de identidade litoral a fin de que se puidese edificar tanto nas Directrices como no POL. Agora está claro que faltou a súa palabra, e isto só ten a solución de que se recoñezan ditos núcleos de poboación nas Directrices para despois trasladalo ao POL. Senón é así, o futuro de Foz en canto a desenvolvemento urbanístico queda hipotecado posto que só o núcleo urbano quedaría apto para usos residenciais: o resto queda en solo rústico e polo tanto sen posibilidade de desenvolverse”. O pobo de Foz aínda está esperando unha explicación do Sr. Borobio, o Director Xeral de Medio Ambiente, sobre cales son as causas de non recoñecer ningún núcleo rural polos que ata o día de hoxe se rexeron as normas urbanísticas do Concello para conceder licenzas.
O Portavoz Nacionalista non dubidou en afirmar que Foz é o Concello de toda Galiza onde máis incidencia ten o Pol precisamente polo feito de utilizar un planeamento para definir o modelo de xestión do POL que non se sabe de onde sae. Tanto é así que o POL deixa fóra de ordenación máis de 3.000 vivendas no Concello de Foz, que se corresponden coa residencia habitual de preto de 5.000 persoas. Isto é a totalidade das vivendas situadas nos núcleos de Cordido, Cangas, Nois, Fazouro, Forxán, Marzán, Mañente ou Vilaronte quedan fóra de ordenación e non só iso senón que os predios situados no solo de núcleo rural que na lexislación galega se asimila ao urbano consolidado non teñen autorizados usos residenciais.” Non hai un só veciño que resida ou teña propiedade neses núcleos que non se vexa afectado polo mesmo” afirmou Basanta.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
