Unha xornada colosal. Non encontro outra forma de o dicir, para que se axuste ao que percibín en Foz nun 25 de setembro de 2010 que gardo xa na memoria. Moi intensamente.
Non o digo polo que nos contou Suso Fernández. Tampouco polos centos de persoas que o acompañaban. Con todo iso xa contaba. O que me conmoveu profundamente foi o ambiente, a ternura, o cariño, o calor humano que se desprendía de todas e cada unha das pezas coas que se ía completando a xornada prodixiosa. Todo estaba calculado con precisión milimétrica, mais todo fluía espontaneamente como brisa suave. Vaia organización! Non coñezo os nomes das persoas que alí estaban atendendo a todos os detalles, mais sei que eran moitas e que estaban perfectamente sincronizadas. Sei tamén que se notaba ás leguas o tacto de Francisco Piñeiro e María Paz R. Silva. Son moitos anos preparando eventos e coordenando a dinámica de grupos numerosos. Son moitos anos, moita experiencia, e nótase.
A condución do acto foi magnífica, si, e a louvanza feita por José Ramón Ónega tamén, mais a min o que me deixou coa boca aberta foron a Banda de Música de Foz interpretando o Himno e a “Muiñeira do Xesús”; foi o recitado do poema “Amigo Suso” en boca de Arcadio Mon, con tenue melodía de fondo, e despois cantado con acompañamento de orquestra. Sensacional. Como as palabras de Nemesio.
Moito lamento non ter escoitado a Coral Polifónica e a Banda de Música interpretando a vesión que Francisco Piñeiro fixo do Nabucco de Verdi. Tiven que saír nese momento. Oxalá haxa alguén que nola describa.
E Suso? Pois non sei se digo ben, mais eu escoitaba a súa voz recitando versos de Curros Henríquez primeiro, de Ramón Cabanillas despois, e ao mesmo tempo observaba o escenario e sentía a presenza unhas veces de Otero Pedrayo e outras de Manuel María. Falando de Manuel María, Suso evocouno unha vez máis, como fai sempre, mais fíxoo de tal xeito que eu sentín na alma a súa ausencia nun acto así. Aínda ben que estaba Saleta. E en estando Saleta e Suso e Marita, Manuel tamén está.
Non continúo describindo o ambiente da tarde, igual de intenso; simplemente acabo facendo votos para que Crónica3.com dé a coñecer á audiencia os discursos que alí se pronunciaron (ou cando menos os fragmentos máis significativos). Seguro que será posíbel. Aproveito tamén esta oportunidade para pedirlle a Sito Regal, a Ramón Reimunde, a Antón Niñe… que nos fagan partícipes das súas impresións. A ocasión ben o merece.
Bernardo Penabade Rei
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
