Nota de prensa:
A 3º tempada de Km0 impulsa a economía da Mariña, o destino elixido polo 65% dos participantes
– En só 3 semanas, 470 persoas redescobren a costa lucense co programa medioambiental da Deputación, 200 delas farano nas viaxes desta semana
– Km0 mantén 3.000 postos de traballo na provincia tales como hostaleiros, transportistas ou artesáns grazas a rutas coma deste mércores: “Oleiría de Bonxe”
A Mariña é o destino elixido por excelencia polos participantes na 3º tempada de Km0.Deputación de Lugo. Das 720 persoas que redescubriron a provincia dende que o organismo provincial retomou o programa medioambiental o pasado 1 de setembro, 470 viaxaron á costa lucense, o que supón máis do 65% do total. Precisamente, a Deputada de Economía, Regina Polín, recibíu este martes no Pazo Provincial a un grupo individual e o colectivo “Veciños de Hombreiro Río Miño” quenes escolleron a ruta “Ría de Ribadeo”.
O mércores, será os membros do “Complexo terapeútico xerentolóxico” de Láncara quenes viaxarán á costa lucense co Km0 e farán unha travesía pola ría de Ribadeo así como unha visita polo casco histórico de dita localidade.
O programa medioambiental inclúe un total de 127 rutas guiadas por toda a provincia colaborando a manter 3.000 postos de traballo de forma directa e indirecta tales como transportistas, hostaleiros, empresas de multiaventura e lecer, artesáns….Deste xeito, tamén o mércores, outras 24 persoas coñecerán in situ a olería de Bonxe coa iniciativa da Deputación.
Preto de 100 persoas nun día
Nas dúas rutas organizadas o xoves, os 96 participantes voltarán á Mariña. Trátanse dos colectivos “Santiago de Gundivós” de Sober, e “Fonte da Xonza” de Friol. No primeiro caso, coñecerán as praias das Catedrais e os Castros, Rinlo e o aeródromo de Villaframil. No segundo, voltarán a cetárea de Rinlo, redescubrirán a Illa Pancha así como o castelo de San Damián.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
