NOTA DE PRENSA
RIOTORTO CONVÉRTESE EN CAPITAL CULTURAL
DURANTE A FIN DE SEMANA
A Festa da Cultura e Encontro de Asociacións encherá de actividade a vila mariñana con
concertos, teatro, exposicións, encontros literarios, etc…
LUGO, 24 DE SETEMBRO. O responsable da área de cultura da Deputación, o nacionalista Antonio Veiga, apoiou coa súa presenza a primeira edición da Festa da Cultura – Encontro de Asociacións Culturais que se celebra no concello de Riotorto. Co ánimo de dar pulo á cultura de base, máis de 40 colectivos culturais e sociais da Mariña e da Terra Chá xuntan recursos e ideas para organizar máis de medio centenar de actividades coas que amosarán a forza do movemento asociativo da comarca. Esta iniciativa ten como fin demostrar que con ganas e vontade pódense superar os atrancos económicos e promover unha cultura participativa. Para os organizadores do evento esta é unha resposta ás dificultades que a cultura esta a ter polos atrancos económicos, é un xeito de promover unha cultura participativa nas as asociacións sexan as protagonistas.
Colectivos feministas, ecoloxistas, deportivos ou culturais encheron unha axenda que, entre exposicións, obradoiros ou proxeccións, inclúe un concerto homenaxe a Mini e Mero e un recital que reúnirá ás voces poéticas da denominada xeración dos 80. Na noite do venres os Tres Trebóns, Susana Seivane, Os Minhotos ou Xabier Díaz, entre outros, poñerán a música. Na xornada do sábado Xosé María Álvarez Cáccamo, Fernán Vello, Cesáreo Sánchez, Xulio Valcárcel, Luísa Castro, Manuel Forcadela, Xavier Seoane e Rodríguez Baixeras xuntaranse para falar sobre o libro galego.
A fin de semana completarase cun un ciclo de documentais, un obradoiro de tuppersex, un maratón de curtas -que inclúe a proxección da mítica fita A Tola- ou un debate arredor da galegofobia. Esta festa levarase a cabo sen ningún tipo de axudas públicas e autofinanciarase coa venta de bonos. E posto que a Festa da Cultura só precisa de vontade, a organización adianta xa que a feira volverá celebrarse rotando por toda a comarca.
Programa de actividades:
FESTA DA CULTURA
ENCONTRO DE ASOCIACIÓNS CULTURAIS
Venres, 24 de setembro
19:30h. Inauguración das exposicións
Olladas de muller
A exposición consta de 34 fotografías en cartón-pluma tamaño grande, o que a converte nun xeito moi interesante de achegarse ás diferentes OLLADAS DE MULLERES que teñen as moi diversas mulleres da Mariña.
Destrución da paisaxe
Fotografía e instalacións de novos artistas da Mariña
O castro de Atalaia
A asociación pretende con esta exposición chamar a atención sobre a vergoñenta situación na que se atopa este importante xacemento castrexo de San Cibrao, ameazado na actualidade por unha actuación urbanística que nunca se debeu iniciar.
Exposición sobre Rosalía de Castro.
Significa a presentación en Lugo dunha exposición sobre Rosalía de Castro elaborada pola Fundación Manuel María.
20:00h. Pregón a cargo do actor Luís Iglesia Besteiro
20:30h.Inauguración das casetas das asociacións culturais
20:45h.Presentación do proxecto”Unha Casa Museo para Manuel Maria”
22:00h.Concerto – Homenaxe a Mini e Mero
Susana Seivane
Os Tres Trebóns
A Quenlla
Os Miñotos.
Ugia Pedreira.
Xabier Díaz.
Xesús Mato.
Marica Campo.
Afonso Blanco.
Sábado, 25 de setembro
11:00.Roteiro polo patrimonio e a historia. Os castros, os ferreiros, os mazos, as caleiras e as casas grandes.
11:00h.Ciclo de documentais. As folgas xerais en Galiza, Carvalho Calero, Entre dúas linguas e Uxio Novoneyra.
16:00h.Inauguración da Feira do libro e do disco galego.
Presentación de:
17:00h. Xosé Chao Rego. Bernardo García Cendán e Marcos Maceira.
18:00h. Rosalía, o clamor da rebeldía. Pilar G.arcía Negro
19:00h. Noente paradise, de Ugia Pedreira e Raquel Miragaia.
16:30 Tuppersex
O principal obxectivo do obradoiro TUPPERSEX é favorecer cunha metodoloxía lúdica e formativa, e desde unha perspectiva feminista, o autocoñecemento da anatomía fisiolóxica de cadaquén, para rachar cos falsos mitos, tabús e prexuízos que existen arredor do sexo contribuíndo a que tanto mulleres como homes poidan coñecer mellor a súa sexualidade. O obradoiro busca tamén facilitar a adquisición, desenvolvemento e interiorización de hábitos sexuais saudábeis e seguros, así como a mellora da autoestima.
20:00h. A galegofobia
Emilio González(Psiquiatra),
Xoán Carlos Garrido(Filosofo)
María do Carmo García Negro(Economista)
22:00h Recital da xeración dos 80
Pepe Cacamo
Cesáreo Sánchez
Xulio Valcarcel
Luísa Castro
Manuel Forcadela
Xavier Seoane
Miguel Anxo Fernán Vello
Xavier Rodríguez Baixeras
Domingo, 26 de setembro
11:30 h. Feira do libro
Espectáculos para as nenas e nenos
12:00h Magin Blanco con A nena e o grilo
13:00h Anxo Moure e a súa bici biblo
Exposición de oficios tradicionais e instrumentos musicais
16:00 Campionato de bolos
16:00h. Aberto de billarda.
17:00h. Maratón de curtas. A tola, O Cadaleito, Os Crebinsky, Miguel Goteira e novos criadores….
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
