NOTA DE PRENSA
A DELEGADA TERRITORIAL PRESENTOU A PROGRAMACIÓN CULTURAL A DESENVOLVER NO OUTONO NA CASA DA ADMINISTRACIÓN DE SARGADELOS, EN CERVO
Raquel Arias, acompañada por Alfonso Villares, deu conta destes actos, que demostran “a aposta do goberno galego por dinamizar este espazo de cultura”
A delegada e o alcalde reiteraron a necesidade de converter o centro cervense nun punto de encontro permanente para os veciños de Cervo e de toda A Mariña
Lugo, 1 de setembro de 2010.- A delegada territorial da Xunta, Raquel Arias, presentou hoxe o programa de actos culturais a desenvolver nas vindeiras semanas no Museo Histórico de Sargadelos, un programa que responde, segundo apuntou, “á aposta do goberno galego por dinamizar este espazo de cultura”.
A delegada compareceu na propia Casa da Administración de Sargadelos acompañada polo alcalde de Cervo, Alfonso Villares, para reiterar a “vontade inequívoca” da Xunta de facer deste Museo “punto de encontro permanente para os veciños de toda a Mariña”.
Ao respecto, incidiu en que non se trata só de potenciar o propio Museo, senón de “organizar eventos culturais de diversa índole que sexan capaces de atraer público a esta sede durante todo o ano”.
Neste sentido, comunicou que a Consellería de Cultura, a través do Xacobeo, desenvolverá a partir de setembro o ciclo Espazos sonoros, que achegará cinco espectáculos que porán en escena música, danza ou acrobacias no marco incomparable que ofrece o Museo de Sargadelos.
Arias sinalou que o compromiso da Xunta para revitalizar este centro “pasa non só pola programación de actividades, como neste caso, senón polo mantemento e conservación do importante patrimonio que alberga, e que representa en si mesmo, o Museo Histórico de Sargadelos”.
Precisamente o ciclo Espazos sonoros, explicou Arias, “consiste en fusionar as artes, fundamentalmente a música, e a arquitectura, en novos espazos do patrimonio histórico por descubrir ou redescubrir”.
Na mesma liña, o alcalde de Cervo lembrou que Sargadelos “representa un referente cultural non só na Mariña, senón en toda Galicia e mesmo no Estado”. Atendendo a esta circunstancia, afirmou, “o concello leva anos facendo un grande esforzo por lograr a promoción deste espazo” tanto dende o punto de vista patrimonial como cultural.
O rexedor valorou positivamente a aposta da Xunta “pola posta en valor deste lugar, que pola súa historia trascende o ámbito local e comarcal ata estenderse ao resto de Galicia”
Programación en Cervo
A partir do 17 de setembro, e durante todos os venres do mes de outubro, o Museo Histórico de Sargadelos acollerá, dentro do ciclo Espazos sonoros, as actuacións de Girovago & Rondella Family Theatre, Murmel, Xograresca, Oh! Trío, e o quinteto Nuestro Tiempo.
Abirán o programa os integrantes de Girovago & Rondella Family Theatre. Esta familia de artistas italianos presenta o espectáculo Mano Viva: o boneco de cinco dedos que camiña, unha obra áxil e fascinante baseada en acrobacias e situacións divertidas.
Corresponderá ao quinteto Nuestro Tiempo pechar a programación, o 29 de outubro, propoñendo un percorrido a través do tango e da música composta por Astor Piazzolla, un dos compositores de tango máis célebre do mundo.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
