Nota de Prensa
UN ARQUITECTO E UNHA RESPONSABLE DE FEVE VISITARON HOXE A ESTACIÓN DE BURELA PARA ANALIZAR AS OBRAS DE MELLORA A ACOMETER. FEVE PREPARA XA UN ANTEPROXECTO, SEGUNDO ALFREDO LLANO.
Burela, 17 de agosto de 2010. Un arquitecto e unha responsable de Feve visitaron hoxe a estación de Burela para analizar as obras de mellora que se acometerán. Feve prepara un anteproyecto desas obras, segundo anunciou o alcalde, Alfredo Llano.
O rexedor contou que “hoxe recibimos a visita dun arquitecto e dunha responsable de Feve para Galicia e Asturias e estivemos complementando un pouco o que fixemos a semana pasada con Angel Villalba, o presidente de Feve. Estivemos vendo como mellorar as instalacións da estación, analizamos por onde hai que afrontalas e vendo cómo acometer unha operación global que mellore substancialmente a visión e o funcionamento do servizo da estación”.
Alfredo Llano sinalou que “agora van realizar un anteproxecto e presentalo o antes posible. Eu conto que en pouco tempo estea listo e que antes de final de ano xa se lle poida facer unha modificación importante á estación. Agora poñereime en contacto con Arriva, porque tamén hai partes que lle corresponden á concesionaria de autobuses e entre os dous procuraremos facer unha mellora importante na estación de autobuses e de tren de Burela”.
O Portelo
O alcalde burelés tamén aludiu á bacteria que onte obrigou a pechar ao baño a praia de O Portelo. Alfredo Llano dixo que “semanalmente se realizan analíticas nas nosas praias e este areal nunca presentou problemas. Agora detectóuse en Penoural e no Portelo unha concentración excesiva dunha bacteria que nos obrigou a pechala ao baño. Estránanos o acontecido, pero considero que estamos diante dun feito puntual provocado polos ventos do nordés que sopraron hai uns días que puideron arrastrar esa bacteria producindo esta situación. Consideramos que en pouco tempo O Portelo estará aberta xa mércores ou xoves, estamos pendentes da contraanálise realizada”.
O rexedor engadiu que “tamén nos apura saber o resultado porque temos previsto celebrar o día do mar o vindeiro sábado 21 de agosto na praia do Portelo. En caso de que persistan os resultados negativos cambiaremos a actividade para outra praia, pero xa avisaremos con tempo”. Llano agradece “a comprensión da xente que acude a O Portelo a bañarse. Os socorristas están avisando e temos a bandeira vermella posta para impedir que se mollen, queremos garantir que non sufran ningún tipo de risco para a súa saúde. Pídolles un pouco de paciencia e decirlles que en breve a situación voltará á normalidade”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
