Catro creadores debaterán sobre memoria e creación na Feira do Libro de Viveiro
As lembranzas da infancia como fonte de inspiración, as fronteiras entre memoria e ficción, ou o papel das recreacións literarias ou plásticas na reconstrución dos imaxinarios colectivos, serán algúns dos temas a abordar no faladoiro cultural que se celebrará mañá, venres, ás 20:30h na carpa principal da Feira do Libro de Viveiro.
A tertulia, organizada pola revista TEMPOS Novos, contará coa participación do escritor e xornalista viveirense Ramón Pernas; o autor de literatura infantil Xabier P.Docampo, quen ademais será pregoeiro da feira; a artista plástica burelense Renata Otero e o ensaísta e poeta, membro do Seminario de Estudos Terra de Viveiro, Emilio Xosé Insua.
Os faladoiros culturais de TEMPOS Novos constitúen unha cita mensual que pretende revitalizar o hábito dos cafés literarios, tan habituais noutros tempos entre os máis destacados nomes das artes e das letras galegas. Até o de agora, as tertulias celebráronse sempre na sala Dado Dadá de Santiago, e abordaron temas como as potencialidades do Xacobeo para a promoción da cultura galega; a música folk galego, a promoción do libro e da lectura ou a relación do Día das Letras Galegas coa sociedade. Nesta ocasión, aproveitando a celebración da Feira do Libro viveirense, a revista desprázase á vila mariñá, nun intento por descentralizar a realización dos faladoiros, e achegar este tipo de iniciativas a outros lugares.
A memoria ten sido fonte de inspiración para os creadores desde a Antigüidade Clásica. Os catro participantes na conversa teñen reflexionado sobre a potencia das lembranzas para a recreación de mundos imaxinarios, e tamén como forma de catarse ou curación perante as feridas da vida e da historia. Nos tempos nos que se fala tanto da necesidade de recuperar a memoria histórica, parece importante escoitar ás voces dos artistas e dos escritores, que tanto teñen que achegar nesta busca do pasado esquecido.
A asistencia á tertulia é libre; o debate abriráse ao público asistente. Un resumo do faladoiro será publicado no número de setembro da revista TEMPOS Novos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
