Nota de prensa:
O GMPP denuncia o abandono da área recreativa do Monte Castelo.
Manuel Fernández e Pablo Pernas acusan ó alcalde de “non ter os servicios hixiénicos en condicións”.
Os edís populares: “pedímoslle ó alcalde que recoñeza que en tres anos non se fixo nada na área recreativa”.
O Grupo Municipal Popular (GMPP) de Burela, a través dos seus concelleiros Manuel Fernández Valle e Pablo Pernas Chao, denunciou hoxe “o abandono da área recreativa do Monte Castelo por parte do alcalde, porque o monte non está nas mínimas condicións esixibles para o seu uso e disfrute por parte dos cidadáns”.
Fernández Valle e Pernas Chao aseguraron que durante estas últimas semanas se veñen repetindo as queixas dos usuarios porque “entre outras cousas, os servicios hixiénicos levan sen limpar desde hai bastantes días; a suciedade é tanta, que nin tan siquera se pode entrar nos mesmos, polo cantidade de excrementos existentes. De tal forma, que estamos en situación de asegurar que desde a romaría do Monte Castelo, e deso xa fai un mes, non se volveron a limpar”.
Os edís populares lembran que “o alcalde e o PSOE fartáronse de prometer que a situación da área recreativa cambiaría con eles no goberno municipal. Pois cambiou, pero a peor, porque o deterioro dos elementos de madeira é máis ca evidente, a pista de acceso está peor ca nunca coa presencia de gravilla, non se teñen reposto as árbores que secaron, e o único que se fai é segar a herba. Por non facer, nin se fixo a tan prometida senda que o alcalde lle prometeu á comunidade de Montes”.
Para Manuel Fernández e Pablo Pernas, “a realidade é evidente, en tres anos non se fixo ningún tipo de mantemento na área recreativa, agás o que fixeron voluntarios de ALCOA que tentou vender o alcalde como logro propio, e o que fai a propia comunidade de Montes”.
Ademais, fan historia: “en decembro, hai oito meses, o alcalde anunciou varias veces que xa estaba resolto o asunto da concesión do bar da área recreativa; a día de hoxe, temos que decir que non hai nada de todo eso, e que todo o que dixo o alcalde era fume”.
Por eso, Fernández Valle e Pernas Chao pídenlle ó alcalde que recoñeza publicamente que en tres anos o bigoberno burelés non fixo nada na área recreativa; nin tan siquera se preocupou de repoñer as parrillas que se van deteriorando. En definitiva, consideran que o que pasa coa área recreativa do Monte Castelo é un exemplo do que pasa en Burela: pouco traballo, moita desidia, e ningún resultado para millorar a nosa imaxe cara ó exterior. A mostra máis representativa da inutilidade política do alcalde e do bigoberno burelés.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
