RIBADEO (FNC) .- O alcalde, Fernando Suárez, fai un balance moi positivo da fin de semana na que centos de persoas se achegaron a Ribadeo a disfrutar da oferta cultura da vila, do mercado mariñeiro e do ascensor panorámico. Suárez Barcia destaca a recuperación realizada nesa zona do casco vello, pero asegura que aínda quedan cousas por facer como a rehabilitación do barrio de Cabanela.
O rexedor referiuse hoxe “a esta parte da nosa vila de Ribadeo, singularmente á do casco vello que linda co peirao de Porcillán e co peirao deportivo, que ata o momento non estaba suficientemente explotada desde o punto de vista turístico e onde agora da gusto estes días ver como esa zona está a ser elixida para disfrutar polas moitas persoas que nos visitan”.
Fernando Suárez aludiu “á mellora do porto deportivo, pouco máis dun millón de euros que a Xunta está a executar alí e que está nos últimos remates. O proxecto estivo moito tempo bloqueado en Patrimonio e a min como alcalde me honra ter contribuído a que se aceptase dito proxecto que deu lugar a esta obra. Houbo que ter unhas cantas reunións para conseguilo, pero mereceu a pena. Tamén se está a poñer en valor a historia e o pasado marítimo de Ribadeo con esta política municipal de obrigar a adecentar fachadas de edificios, inmobles, limpeza de solares, algo que contribúe a dar un cambio fundamental a esa zona e que perciben os que ata alí se achegan”.
O alcalde ribadense engadiu que “tamén esta fin de semana e a pesares de que foi unha obra controvertida e que o seguirá a ser, o ascensor panorámico estivo a atraer a centos de turistas que queren disfrutar das vistas que lles ofrece e logo tamén coa decisión do Concello de ir diversificando actividades non só na parte alta da vila senón tamén na zona do porto, alí se instalou un novidoso mercado mariñeiro que atraeu a centos de persoas estes días”.
Suárez Barcia considera que “aínda que todo esto son cousas positivas sempre hai que ser ambicioso no que é a inversión pública e a recuperación de espazos públicos. Penso que quedan cousas importantes por facer en toda esa zona. Queda que a Xunta desbloquee o proxecto de rehabilitar o barrio de Cabanela. Xa no anterior bipartito a Xunta adquiriu unha serie de inmobles naquela zona e onde tamén estaban en conversas co Bispado para facerse con dous máis, aínda que a Xunta cambiou agardemos que as negociacións continúen para abrir Ribadeo ao mar e para poñer o casco vello en valor desde o punto de vista turístico e económico, toda vez que agora Costas está a ser sensible e vainos a recuperar o que son as ruínas de Bispo Cebeira. Calquera que veña a Ribadeo e se dea unha volta pola zona do porto notará un cambio para ben e penso que moi importante a xulgar polos comentarios da xente que nestes últimos días está a pasear por esa zona”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
