CERVO .- A concelleira de Medio Ambiente de Cervo, Pilar Armada, anunciou hoxe que o Concello procederá nos vindeiros días a enviar notificación aos propietarios de solares e fincas dos principais núcleos de poboación do termino municipal que se atopan en estado de abandono para que procedan á súa limpeza. De non facelo, o Concello recorrerá á execución subsidiaria e despois pasaralles o cargo aos donos en cuestión.
Armada explicou que “desde o Concello estamos recibindo ultimamente un ha serie de queixas de veciños polo estado de abandono no que se atopan fincas e solares situados principalmente nos cascos urbanos e nos núcleos de poboación do concello máis habitados. Por iso, decidimos mandar notificacións sobre limpeza destas fincas, solares e hortos que se atopan en situación de abandono”.
A concelleira sinalou que “aínda que é certo que unha parte importante dos propietarios son consecuentes e rozan as súas fincas, tamén é verdade que hai unha minoría que non se preocupa do estado da súa propiedade e deixa as parcelas a bravo”. A edil cervense contou que hai fincas que “salta á vista” que non están coidadas, “o que se traduce en falla de seguridade pública polo risco de incendio potencial que existe agora na época estival e noutros casos pode desencadear un perigo de salubridade importante debido á proliferación de alimañas e ratos, sobre todo naquelas fincas que están no ámbito urbano e tamén en núcleos rurais; ademais, claro está, do mal efecto visual que produce unha finca nesas condicións”.
A responsable de Medio Ambiente recalcou que os donos das propiedades, “ademais de teren dereitos, teñen tamén obrigas que cumprir coma todo o mundo. De non ser así, é dicir si os propietarios fan caso omiso a estas notificacións, o Concello poderá incoar unha serie de expedientes para multas coercitivas e chegará á execución subsidiaria facéndoo o Concello pola súa propia conta e despois pasaralle o cargo ao propietario en cuestión”.
Nas notificacións que se enviarán desde o Concello lembraráselles aos propietarios de terreos mantelos mesmos en condicións de funcionalidade, seguridade, salubridade, ornato público e habitabilidade, segundo o seu destino e de acordo coas normas de protección do medio ambiente, do patrimonio histórico e da rehabilitación.
Armada asegurou que “non queremos chegar a esa situación, queremos que todo o mundo se responsabilice das súas propiedades e confío en que a xente sexa razoable, tal e como o están a facer xa moitos que chaman para preguntar como poden facelo e os pasos a seguir”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
