Noata de Prensa
Os traballos desenvólvense na travesía entre as rúas Once, Trece e a rúa de acceso á urbanización
ALFONSO VILLARES SUPERVISA AS OBRAS DE ACONDICIONAMENTO QUE ACOMETE O CONCELLO EN VARIAS RÚAS DE RÍO COBO
* Esta actuación faise ao abeiro do convenio subscrito na primavera pasada entre o Goberno local e o Instituto Galego da Vivenda e Solo
Cervo, 18 de agosto de 2010.- O alcalde de Cervo, o popular Alfonso Villares, supervisou na tarde de onte os traballos que se está a desenvolver o Concello para a mellora de accesibilidade e acondicionamento das rúas Once e Trece da urbanización de Río Cobo.
Esta actuación é posible grazas ao convenio subscrito no mes de abril entre o Concello de Cervo e o Instituto Galego da Vivenda e Solo (IGVS) mediante o cal o Goberno cervense cedeu a propiedade do inmoble de titularidade municipal na promoción de 14 vivendas sociais adxudicadas o pasado marzo nesta urbanización a cambio dunha compensación económica de 106.000 euros ás arcas municipais e de que o devandito inmoble lle fora concedido á persoa que quedou no posto número 15 da lista de demandantes nesta promoción de vivenda pública.
Segundo dixo alcalde, ademais do adecentamento da contorna destas rúas, as obras perseguen un obxectivo moito máis importante: a eliminación das barreiras arquitectónicas que tiñan estas rúas. “Era unha actuación que dende hai tempo tiñamos en mente e que era moi demandada polos veciños da zona. Agora, con estes traballos, conseguiremos dotar dunha mellor accesibilidade ás vivendas destas rúas, ao tempo que renovaremos o seu pavimento” sinalou o alcalde.
Alfonso Villares indicou tamén que esta actuación forma parte dunha serie de investimentos no núcleo de poboación de Río Cobo tendentes a solventar as eivas derivadas do paso do tempo nas infraestruturas desta urbanización. “Así o levamos facendo nos últimos anos con obras coma as de renovación do alumeado público, ou a xestión feita dende o Concello para que as vivendas desta urbanización podan contar tamén co servizo de gas cidade” salientou o rexedor.
Así mesmo, sinalou que o convenio subscrito co IGVS permitirá tamén realizar obras de adecuación e adecentamento noutras rúas e vías do municipio. “Pensamos que este acordo é beneficiosos para o concello porque, por un lado, asegurámonos que un veciño do municipio opte a unha nova vivenda de promoción pública, e por outra banda, o Concello pode afrontar a realización dunha serie de melloras en infraestruturas viarias municipais moi necesarias e moi demandadas polos veciños… Pretendemos, en definitiva, seguir na liña de mellora e acondicionamento das infraestruturas básicas do noso municipio porque estamos convencidos de que sempre é bo traballar e priorizar en conseguir investimentos que sexan realmente beneficiosos e rendibles para o conxunto dos cidadáns. Por iso, temos o compromiso de seguir traballando nesta liña e continuar poñendo os piares dunhas infraestruturas básicas que nos permitan seguir medrando dun xeito harmónico e con garantías de futuro para o conxunto dos cervenses” rematou o alcalde.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
