Nota de Prensa
HOXE ABREUSE O TRAMO DA RÚA BEIRAMAR DE SAN CIPRIÁN QUE PERMANECÍA PECHADO POR MOR DAS OBRAS DE SANEAMENTO
o O alcalde de Cervo asegura que o Concello está a facer un seguimento continuo da evolución dos traballos desta infraestrutura básica para a vila
Cervo, 11 de agosto de 2010.- O alcalde de Cervo, Alfonso Villares, informou que esta mañá operarios da empresa encargada dos traballos de construción da nova rede de saneamento de San Ciprián habilitaron novamente o tramo da rúa Beiramar que permanecía parcialmente pechado por mor destas obras.
O rexedor lembrou así mesmo que en días pasados, “e tal e como nos comprometiamos hai un mes”, se abriu ao uso público a zona de xogos do Parque Reina Sofía, que tamén permanecera pechada durante un tempo debido a estes traballos.
Segundo lembrou Villares, desde o Concello estase a facer un seguimento continuo destes traballos para que na medida do posible causen “as menores molestias aos veciños, se ben esta é una actuación de tal envergadura que necesita obrigatoriamente un espacio físico considerable para poder levar adiante as obras” puntualizou.
O alcalde sinalou que o Goberno local esta a volcar unha boa parte da súa xestión nesta actuación “de servizos e infraestruturas básicas para San Ciprián” e adiantou que, segundo as informacións proporcionadas polos responsables das obras, os traballos do novo saneamento de San Ciprián podería estar rematado antes de que finalice o presente ano 2010, se ben recordou que dita obra tiña que estar acabada hai tres anos, “pero non puido ser así polos atrancos postos por algunhas administracións gobernadas naquel momento por certas formacións políticas”.
OBRAS A BO RITMO
O alcalde sinalou que as obras do novo saneamento de San Ciprián estanse desenvolvendo cunha gran profesionalidade. Neste senso recordou que a rede de colectores xa está rematada e tamén se levou a cabo o asfaltado das zonas por onde discorren as novas canalizacións. Así mesmo se instalaron os tramos de rede que pasan por terreos de competencia de Feve e actualmente os traballos céntranse na construción da Estación Depuradora de Augas Residuais (no polígono de Cuíña) e no soterrado do tanque de tormentas, no Parque Reina Sofía.
Por último, Villares quixo agradecer a comprensión dos veciños de San Ciprián nestes últimos meses “nos cales sei de sobra que non é doado circular pola vila, debido precisamente a estas obras e tamén a outras coma a canalización do gas cidade, pero estamos seguros que comprenden que estes inconvenientes son o prezo que hai que pagar se queremos dispoñer no pobo dunhas infraestruturas acordes cos tempos actuais”.
DATOS DAS OBRAS DE SANEAMENTO DE SAN CIPRIÁN:
* Presuposto: 4.854.391 euros
* Empresa adxudicataria: UTE Extraco-Gia
* Inicio das obras: Finais de agosto de 2009
* Traballos a realizar: As obras consisten basicamente no seguinte:
o COLECTORES (rede de tubaxes):
+ Construción dun tanque de tormentas soterrado no Paseo da Ría de 400 m3 de capacidade de retención, desde o que se realizará a impulsión xeral das augas residuais do núcleo de San Ciprián cara ao polígono industrial de Cuiña onde se construirá a EDAR.
+ A lonxitude desta rede de impulsión é de 1.272,75 metros e o sistema de bombeo dispón de tres bombas deseñadas para un caudal total de 66 litros/segundo.
+ Construción dun pozo de bombeo na zona do porto e instalación dunha tubaxe de impulsión até a rede xeral co obxecto de conducir as augas residuais desa área ata o tanque de tormentas. Esta estación de bombeo dispón de dúas bombas cun caudal unitario de 6,3 litros/segundo.
+ Construción dun colector de 78 m. de lonxitude para recoller as verteduras da península e levalos até o pozo de bombeo ubicado no porto.
+ Construción dun pozo de bombeo en Cubelas e instalación dunha tubaxe de impulsión até a rede existente, para a condución das augas residuais ao novo tanque de tormentas do paseo da Ría. A lonxitude desta tubaxe de impulsión é de 39,6 m. e estación de bombeo dispón de dúas bombas cun caudal unitario de 2,72 litros/segundo.
+ Ademais destas actuacións anteriormente citadas existen outras que conformarán a rede secundaria como son a construción de dous colectores (un para completar o saneamento de San Ciprián de 308 m. de lonxitude e outro para recoller as augas pluviais de 162 m. de lonxitude), e a conexión da rede de saneamento de polígono de Cuíña co colector xeral á EDAR.
o EDAR:
+ Situarase no polígono de Cuiña. Nesta instalación depurásense as augas do núcleo urbano de San Ciprián e do polígono de Cuiña, isto representa un total de 8.000 habitantes equivalentes. O seu caudal medio de tratamento será de 79,23 m3/h.
+ A liña de tratamento da auga consistirá nuns sistemas de recepción das augas, de pretratamento, tanques de tormenta e un tratamento biolóxico para a eliminación de nitróxeno e fósforo, ademais dun tratamento da liña de lodos ata conseguir o secado dos mesmos nun 75%.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
