NOTA DE PRENSA:
O Planeamento que utiliza a Xunta para elaborar o POL non se corresponde co que está en vigor en Foz
Os nacionalistas denuncian que a Xunta só permite usos residenciais na Vila
Foz, 23 de agosto de 2010.- O Plan de Ordenación do Litoral, actualmente en fase de aprobación inicial e xa que logo exposto a exposición pública, só permite usos residenciais no ámbito da vila de Foz, pasando a clasificar o solo no resto do Concello ben como solo urbanizable, ben como solo rústico. Segundo explicou Xoán Carlos González Basanta “é gravísimo que a clasificación do solo que se fai no POL non se corresponda coa que se establece co planeamento en vigor, a diferencia do que se establece no propio POL é que acontece no resto dos Concellos. Mesmamente o feito de que o POL non permita usos residenciais en lugares que o Planeamento si que os autoriza determina para o Concello de Foz unhas determinacións e proteccións que non lle corresponden coa normativa do mesmo na man”.
Os nacionalistas informaron que a cartografía do Planeamento que recolle o POL só fixa como urbano a parte da vila que ten esa consideración nas NSP do 81 ademais das dúas bolsas de urbanizable que existen na vila, clasificando como urbanizable parte de Vilaronte, Fazouro e Cangas, e clasificando directamente como solo rústico de protección ordinaria núcleos como Cordido, Mañente, Vilachá, A Pradeira, Forxán, Nois ou A Espiñeira.” Non é de recibo que a Xunta estableza no POL un Planeamento para Foz distinto do que está en vigor” afirmou Basanta quen denunciou que “a pesar de que núcleos como Vilaronte, Cangas, Fazouro ou Nois, teñen a consideración de Solo de Núcleo Rural no planeamento municipal, na totalidade da cartografía do POL referida a Foz non aparece nin unha bolsa só de solo de núcleo”.
Na mesma liña o Portavoz Nacionalista considerou “unha autentica tomadura de pelo que a totalidade das vivendas de Nois, Cordido ou Forxán se deixen fóra de ordenación, ou que siga sen recoñecerse coa consideración de urbano o Parque Empresarial de Fazouro, ou que as vivendas que en Cangas, Vilaronte ou Fazouro non se deixan fora de ordenación, sexan incluídas en polígonos de solo urbanizable non delimitado, con solos suxeitos a ser desenvoltos a través dun Plan Parcial, por medio de polígonos”. ”Hai que ter en conta que só o solo que ten a consideración de urbano ou de núcleo rural está excluído das determinacións do POL, polo que Foz é o Concello de toda a costa galega desde Ribadeo ata Ferrol onde máis afección ten este documento” recalcou o nacionalista.
Basanta recordou que “nas reunións que mantivemos co Sr. Borobio os representantes da Corporación focega, os técnicos municipais e os redactores do Plan, fixemos fincapé en que o POL recoñecese os núcleo rurais, mesmamente el recoñeceu que tiña as delimitacións do solo de núcleo rural no Concello, pero agora nos encontramos que a situación é hoxe peor que cando se achegou o avance do POL ao Concello. Non pode ser que a Xunta non teña o Planeamento de Foz, porque entre outras razóns está colgado na propia páxina da Dirección Xeral de Urbanismo, polo que é necesario que os representantes da Xunta expliquen que criterios seguiron para non permitir usos residenciais fora do casco urbano e en todo caso darlle unha solución a esta situación”.
O Portavoz do BNG de Foz anunciou que “solicitará unha xuntanza da Comisión de estudo do POL que está creada na Corporación, posto que diante desta proposta da Xunta de Galiza temos que proceder a redactar as alegacións oportunas e determinar o alcance preciso que esta proposta de ordenación ten para o Concello. Asemade é necesario volver a reunirse con Borobio para buscar unha solución ao problema que se formula, sendo preciso se cadra volver a someter de novo o POL no caso de Foz a unha nova exposición pública, porque partindo do Planeamento en vigor e non o que a Xunta se saca de non sabemos onde, a proposta de ordenación que fixa o POL sería totalmente distinta”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
