No contrato de redacción do proxecto de trazado, adxudicado en abril de 2007, xa se establecía a necesidade dun enlace intermedio no treito Landrove-Celeiro para a conexión do núcleo de Viveiro
Medio Ambiente aposta polo enlace centro de Viveiro, da VAP da Costa Norte, por ser un proxecto máis seguro, ambientalmente máis responsable e mellorar as conexións do núcleo urbano
A Consellería de Medio Ambiente decidiu someter a información pública a comezos do mes de agosto este novo proxecto de trazado do enlace centro a este concello da Mariña lucense
No proxecto actual elimínase o falso túnel de Fontecoba e Chousela, para o que sería necesario realizar desmontes de ata 60 metros de altura e en terreos moi desfavorables, dende o punto de vista xeotécnico
A Consellería de Medio Ambiente considera que mellorará a mobilidade dos habitantes de Viveiro, así como a accesibilidade do núcleo urbano e potenciará o desenvolvemento económico
Santiago, 28 de agosto de 2010.- A Consellería de Medio Ambiente, Territorio e Infraestruturas defende a execución do enlace centro de Viveiro da Vía de Altas Prestacións da Costa Norte por tres razóns de peso que definen este proxecto viario: é un proxecto máis seguro, ambientalmente tamén é máis responsable e mellora as conexións co núcleo urbano de Viveiro. O departamento que dirixe Hernández tomou esta decisión despois de realizar varios análises, polo que se chegou a unha solución óptima técnica e ambientalmente. Tamén se adoptou por esta solución porque se trata dun proxecto no que se minimizan as afeccións que toda gran infraestruturas leva aparellado.
A solución proposta proxecta un enlace completo cunha glorieta única inferior (ubicada baixo a rasante da VAP) e da que parte un vial transversal de conexión coa estrada Viveiro-Cabreiros (LU-540), que se resolve a través dunha glorieta. Para poder proxectar o enlace no tronco da vía de altas prestacións, resulta ineludible axustar o trazado da mesma nunha lonxitude de 2 quilómetros, ata chegar a zona da Chousela, polo que o trazado aproxímase máis á LU-540.
Coa decisión de levar a cabo este proxecto elimínase o falso túnel de Fontecoba e Chousela, para o que sería necesario realizar desmontes de ata 60 metros de altura e en terreos moi desfavorables, dende o punto de vista xeotécnico. Asemade, o trazado anterior provocaba nesta zona unha forte descompensación de terras, cun elevado excedente de terras e vertedoiro, polo que sen dúbida implicaba un problema loxístico e ambiental de primeira magnitude.
Pola contra, o proxecto actual implica mellores características xeométricas do trazado tanto en planta, como no perfil lonxitudinal e polo tanto conséguese mellores prestacións en comodidade e seguridade par aos usuarios.
Desconxestión do tráfico en Viveiro
Tal e como se recollía no contrato de redacción, este enlace intermedio ou central en Viveiro servirá par acadar os seguintes obxectivos, como captar tráfico para a VAP da Costa Norte e polo tanto rentabilizar o investimento que implica esta nova infraestrutura.
Outra das finalidades é que o subtreito Celeiro-Viveiro Sur (Landrove) funcione como unha auténtica variante de Viveiro, xa que así se poderá desconxestionar de tráfico as travesías de Viveiro e Celeiro, que sofren importantes retencións sobre todo na época estival. A posta en marcha desta actuación mellorará notablemente a calidade de vida dos habitantes destes núcleos urbanos e, ao mesmo tempo, diminuirá a contaminación acústica e atmosférica.
Con esta infraestrutura a Consellería de Medio Ambiente considera que mellorará a mobilidade dos habitantes de Viveiro, así como a accesibilidade do núcleo urbano e potenciará o desenvolvemento económico.
O novo vial, que conta cun orzamento de máis de 27 millóns de euros, ten 2 quilómetros de lonxitude, nos que se construirán dous carrís de 3,5 m. cada un; dúas beiravías de 2,5; dúas bermas de 0,75 metros e dous paseos inferiores, así mesmo, terá 3 viadutos: e 2 glorietas e a velocidade do proxecto será de 100 Km/h.
Con esta construción, beneficiaranse os máis de 20.000 habitantes da comarca de Viveiro e a súa área de influenza. Neste momento, as dúas estradas que verán reducido o seu nivel de tráfico, é dicir, a LU-540 e a LU-862, soportan un total de case 20.000 vehículos ao día, polo que a construción deste vial suporá unha importante redución de paso de vehículos por ditas estradas e polo centro da localidade lucense de Viveiro, o que significa unha mellora da seguridade vial nesta zona.
Antecedentes
O pasado 18 de xullo de 2006, a Administración galega publicaba no Diario Oficial de Galicia a aprobación do trazado para os subtreitos Covas- Viveiro Sur e Viveiro Sur- Celeiro (Variante de Viveiro) e só se contemplaban para o subtreito Viveiro- Sur-Celeiro, de 9 quilómetros de lonxitude sendos enlaces nos estremos dos mesmos: Celeiro e Landrove. Por outro lado, no contrato de redacción do proxecto de trazado e construción se establece que se incluirá un novo enlace intermedio no treito Landrove-Celeiro e conexión co núcleo de Viveiro, así como a información pública deste novo enlace e da conexión de acordo coa Lei de estrada de Galicia. O contrato foi adxudicado o 25 de abril de 2007.
Información pública
Cómpre lembrar que a Xunta publicou no Diario Oficial de Galicia (DOG) a comezos de agosto a resolución pola que se somete a información pública o proxecto de trazado e o estudo de impacto ambiental dun treito da Vía de Alta Capacidade (VAC) do Norte, concretamente, no enlace de Viveiro. O proxecto sométese ao trámite de información pública durante un período de 30 días
Os documentos poderanse consultar na propia Dirección Xeral, no servizo de infraestruturas de Lugo e no concello de Viveiro, o mesmo que na páxina web da Consellería de Medio Ambiente, Territorio e Infraestruturas. (http://www.cmati.xunta.es/portal/cidadan/lang/gl/pid/2199).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
