A Sala de Exposicións ubicada na Casa do Mar, na focega rúa da Ribeira, ofrece, ata finais de agosto, a mostra de cadros do debuxante Xosé Manuel Forés, a quen todos chamamos Juanel. O artista, ribadense afincado en Foz dende hai preto de 40 anos, é un popular e benquerido veciño; a súa dedicación laboral como funcionario de Correos ó longo de tanto tempo, propiciou o contacto próximo coa cidadanía da que ten un bo coñecemento. Amante da natureza, sensible a toda manifestación da arte plástica e mesmo á arquitectura popular do medio rural, así como ós episodios da beiramar que enmarcaron as vivencias da súa crianza, os seus magníficos cadros reflicten todas estas sensibilidades. Discípulo do inesquecible mestre Suso Peña, o seu compatriota, vive con paixón as que son súas preferencias: os seus canciños, a fotografía e o análise e reprodución da figura humana, á que presta especial atención.. Posiblemente en canto deixamos dito se compendie a temática da mostra.Acaso é o retrato humano a faceta na que Juanel destaque de forma mais sobranceira; de aí que das paredes de moitos fogares penduren os retratos de membros entrañables da familia que a experta man e a sensibilidade de Juanel perpetúa na memoria visual dos seus seres queridos E de aí tamén que as súas paisaxes e currunchos urbanos ou rurais sempre rexistren a presenza humana que ennobrece a perspectiva. Unha mostra pública de tal facultade está no retrato que do poeta Manuel María se contempla na subida ó primeiro andar da Casa da Cultura; de él emana fielmente non só unha definida fisionomía senón que tamén transcende a expresión fiel da súa acusada personalidade. Non é a primeira exposición individual de Juanel, membro da asociación Os Aventados, de San Cibrao. Son varias as xa realizadas e moitas as colectivas. A calidade dos seus debuxos fai que sexan moi demandados e moitos os encargos que recibe; de aí que as mostras se espacien no tempo mais do que os amantes desta arte desexarían. A visita á exposición é un gozo para os sentidos e un estímulo para o intelecto.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
