O vicesecretario xeral do Partido Socialista, Jose Blanco non cumpre con Galicia e prexudica dun modo consciente e directo a potencionalidade e futuro da Mariña lucense. Ante esta realidade, una estafa política en toda regra, os populares da Mariña facéndonos eco da indignación inmensamente maioritaria dos veciños desta comarca e rebelámonos ante un feito clarísimo: A Mariña non existe para o Goberno de Zapatero.
Unha vez máis, o PSOE peca de improvisación e amosa a súa total falta de palabra e de compromiso coa comarca. Unha vez máis, queren enganarnos, como cando negaron a crise e non levaron adiante as medidas oportunas para corrixila. O Goberno central, cos recortes consumados por Fomento, está a facer o contrario do que prometeu: Mentres que fai unhas semanas presumía de que a provincia de Lugo non vería afectada ningunha obra, agora toma a decisión de xeito unilateral de paralizar a autovía do Cantábrico e de eliminar das súas prioridades a execución do treito estatal do corredor entre San Ciprián e Barreiros. O Goberno central, que nin soubo planificar nin administrar correctamente o diñeiro público fai agora que todas as veciñas e veciños desta comarca paguemos a súa incompetencia.
O retraso anunciado polo Ministerio Fomento na Autovía do Cantábrico engádese aos que xa acumulaba esta obra cuxa finalización se prevía para o 2008 e posteriormente se demorou ata o 2011. Agora queda aprazada sen data. Agora as empresas retiran a súa maquinaria e paralizan de facto todos os traballos.Jose Blanco, está a negar á Mariña a posta en marcha dunha infraestrutura vital, vertebradora de Galicia e esencial para as comunicacións do norte e a súa conexión co resto de vías de alta capacidade.
Existen dúas formas de entender a austeridade e o rigor orzamentario. A que aplica o PSOE, coa complicidade dun BNG que puido vetar os orzamentos estatais e non o fixo, e a que practica o novo Goberno da Xunta. O equipo que lidera Alberto Núñez Feijóo soubo apertarse o cinto, reducindo gastos e estruturas administrativas, altos cargos, vehículos de luxo, administración paralela…. Pero lonxe de recortar o investimento en infraestruturas e comunicacións situou esta actividade como prioritaria.
Jose Blanco condena ás veciñas e vecinos da Mariña a moitos anos de espera para facer uso da autovía do Cantábrico ou do corredor no treito estatal. Mentres tanto, os mesmos mariñáns pronto circularan polo treito autonómico do Corredor, e hoxe mesmo poderán ver como as obras proseguen a bo ritmo, grazas a un esforzo inversor que supera os 30 millóns de euros. Tivo que chegar un Goberno popular para que a Xunta iniciase, no tramo entre San Ciprián e Celeiro, o primeiro quilómetro en obras do vía de altas prestacións que nos unirá con Ferrol
Está claro, hai dúas formas de gobernar, a que practica o PSOE que, cos feitos discrimina a Galicia e aos galegos, ou a do PP que sitúa a nosa comunidade, a nosa comarca, na prioridade da súa acción de Goberno.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
