NOTA DE PRENSA:
O Goberno municipal manterá este servizo nas instalacións da urbanización Atalaia mentres espera a cesión dos locais baleiros da Casa do Mar
DEZASEIS NENOS INICIAN MAÑA O NOVO CURSO ESCOLAR NO PUNTO DE ATENCIÓN Á INFANCIA DE SAN CIPRIÁN
* Os responsables locais teñen previsto manter unha reunión cos pais e nais dos nenos para explicarlles as xestións levadas a cabo dende o Concello diante da Tesourería Xeral da Seguridade Social para trasladar as instalacións á Casa do Mar
* Non descartan levar adiante mobilizacións se non reciben resposta nun tempo prudencial da administración titular do inmoble.
Cervo, 31 de agosto de 2010.- Un total de dezaseis nenos e nenas menores de tres anos inscritos no Punto de Atención á Primeira Infancia (PAI) serán os beneficiarios que iniciarán mañá unha nova temporada deste servizo público e gratuíto posto en marcha polo Goberno municipal do partido Popular de Cervo no ano 2002.
Segundo confirmaron as autoridades locais, polo momento o PAI manterá as súas instalacións orixinarias da urbanización Atalaia de San Ciprián (nas que se leva prestando este servizo dende hai 8 anos) mentres agardan a que a Tesourería Xeral da Seguridade Social lles conteste ás reiteradas peticións formuladas dende hai máis dun ano para ubicar nos baixos baleiros do edificio da Casa do Mar as novas instalacións deste servizo de coidado á infancia.
Reunión cos pais
As concelleiras de Asuntos Sociais e de Educación, Pilar Armada e Yolanda Pedreira respectivamente, adiantaron que o equipo de Goberno local vai ter unha xuntanza a semana que ven cos pais e nais dos nenos matriculados no PAI para darlles a coñecer “polo miúdo” o seu proxecto de adecuar os baixos en desuso da Casa do Mar e tamén para informalos das distintas xestións levadas a cabo nos últimos anos para conseguir dispoñer destas instalacións, que actualmente levan máis de dous anos pechadas. “Queremos que os pais e nais saiban de primeira man o que pretendemos facer nestes baixos e tamén todos os contactos que levamos mantendo para conseguir a cesión destes inmobles e poder destinalos a usos de carácter público” recalcou Pilar Armada.
Tempo máis que prudencial
As dúas edís populares recoñeceron o seu malestar pola tardanza da Tesourería Xeral da Seguridade Social en contestar ás súas peticións de cesión dos locais da Casa do Mar. “A primeira das moitas solicitudes formais que lles enviamos data de maio do 2009, e pensamos que dende aquela tiveron tempo máis que suficiente como para poder contestarnos. Sen embargo, aínda non recibimos ningún tipo de resposta e isto está a provocar que dende o Goberno municipal non poidamos levar adiante o noso proxecto de ampliación e mellora das instalacións do Punto de Atención á Infancia” sinalaron.
Armada e Pedreira dixeron que na xuntanza aproveitarán tamén para pulsar a opinión dos pais sobre as súas necesidades e estarán abertos a calquera tipo de suxestións de cara a mellorar este servizo. “Tampouco esgotamos levar adiante outro tipo de accións e mobilizacións de acordo cos pais para tentar que de unha vez por todas a Seguridade Social nos día unha resposta ás nosas pretensións de situar nos baixos da Casa do Mar as novas instalacións do Punto de Atención á Infancia”.
Novidades que mellorarán o servizo
Mentres isto non se produce os nenos e nenas que acudan ao PAI farano novamente nas instalacións xa existentes da urbanización Atalaia de San Ciprián.
Con respecto aos anos anteriores, este ano o PAI presenta como novidade máis significativa a prolongación do seu horario de funcionamento de 8 da mañá a 8 da tarde de xeito ininterrompido co fin de facilitar axudar a compatibilizar a vida familiar e laboral dos pais. Este aumento nos horarios traerá consigo unha serie de servizos que ata o de agora non se viñan ofrecendo, coma é a posibilidade de que os nenos e nenas poderán comer o xantar nas instalacións do PAI a comida que traian dos seus respectivos domicilios, xa que as coidadoras encargaranse de darlles o xantar. Para cubrir este servizo o Concello de Cervo ven de ampliar de tres a catro o número de profesionais en Educación Infantil e Pedagoxía que desempeñarán estas labores de coidado e formativas entre os nenos.
As dúas edís cervense sinalaron que as actuais dependencias cumpren perfectamente as condicións para albergar o PAI e aseguraron que a intención do grupo de Goberno local é levar adiante as obras de adecuación dos baixos da Casa do Mar “ao día seguinte de recibir a cesión formal da Seguridade Social”.
A apertura do Punto de Atención á Infancia (PAI) no ano 2002 constituíu unha aposta firme do Goberno municipal do Partido Popular pola creación dun recurso destinado a nenos e nenas que necesitan atención e coidado durante un tempo diario e que non poden incorporarse a un centro de educación infantil. A través deste servizo -sen custe algún para os seus beneficiarios- o Concello de Cervo contribúe ao desenvolvemento integral dos nenos e nenas, e facilita a difícil tarefa de conciliar a vida laboral e familiar.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
