Nota de Prensa
ANTONIO VEIGA ASISTIU Á INAUGURACIÓN DA XXVI FEIRA DO BONITO DE BURELA
A festa celébrase na explanada do porto burelao, e está organizada pola Sociedade Cultural e Recreativa Ledicia
BURELA, 7 de agosto de 2010. O delegado de Cultura da Deputación, o nacionalista Antonio Veiga, asistiu esta tarde á inauguración da XXVI edición da Feira do Bonito de Burela, que se celebrou no porto da vila e na que se repartiron máis de 4.200 racións do produto. A mostra de ecoloxía e artesanía Produart, organizada pola fundación Expomar, celebrouse de xeito simultáneo como ven sendo habitual dende hai 8 anos. O delegado de Cultura afirmou que “a Feira do Bonito ven sendo dende hai moitos anos unha das festas máis importantes da Mariña, e máis agora, que se celebra tamén a mostra artesá e ecolóxica Produart de xeito simultáneo e así, fan de Burela neste día unha das citas ineludibles do verán mariñao”. Á inauguración e posterior degustación do bonito asistiron, ademais de Antonio Veiga, Neves Cando, concelleira de Cultura, Lara Méndez, vicepresidenta da Deputación, e Alfredo Llano, alcalde do concello, entre outras autoridades.
O programa de actividades da feira do Bonito de Burela comezou xa ás 11 desta mañá, cando na explanada do porto se desenvolveron os nomeados terceiros xogos da Costeira: diferentes colectivos do concello participaron en xogos cuxo protagonista principal foi o bonito. Despois da sesión vermú, na que se deron pinchos do produto coas consumicións, recibiuse ás autoridades no barco-museo Reina del Carmen e tralo nomeamento do asador maior e colaboradora de honra da edición e da entrega dos premios aos autores dos dous carteis da festa, Santiago Bolíbar, almirante xefe do arsenal de Ferrol, leu o pregón ás 19:00 horas. A degustación do bonito en empanada, cocido e asado comezou despois, e desenvolveuse ata a noite, que foi amenizada por verbena e discoteca móbil.
A Feira do Bonito de Burela, declarada de interese turístico galego, ven celebrándose dende hai 26 anos e da cita a moitas persoas, tantos veciños burelaos como dos concellos próximos, e turistas de toda Galiza e doutros países. Hoxe en día, son cerca de un cento os voluntarios que colaboran na celebración do evento e milleiros os visitantes que na tardiña se achegan a Burela a degustar o produto estrela da vila en racións de 6 euros. Isto, sumado aos máis de 60 expositores de produtos artesáns e ecolóxicos que Produart instala, fan de Burela unha das opcións máis atractivas para esta fin de semana do agosto mariñao
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
