NOTA DE PRENSA
Os populares non empregarán un asunto tan serio como é a presentación dun expediente de regularción de emprego para “facer política” e asumen a petición de prudencia na que insistiron os representantes dos traballadores cando se trata de abordar públicamente este conflito
BALSEIRO E VILLARES MANTIVERON UNHA REUNIÓN CO COMITÉ DE EMPRESA DA CERÁMICA DE SARGADELOS NA QUE LLE TRANSMITIRON A SÚA TOTAL POSTA A DISPOSICIÓN PARA MEDIAR ANTE A DIRECCIÓN E ANTE AS DISTINTAS ADMINSITRACIÓNS.
* A mensaxe dos dirixentes populares: “Hai poucas empresas que reporten un beneficio social e cultural das características de Sargadelos e de aí que merezan todo o noso apoio”
Cervo, 17 de agosto de 2010.- O parlamentario mariñán, Jose Manuel Balseiro, e o rexedor municipal de Cervo, Alfonso Villares, mantiveron no día de hoxe unha reunión cos membros do Comité de Empresa da compañía Cerámica de Sargadelos. Nela quixeron transmitirlles a todas as traballadoras e traballadores a súa total posta a disposición para realizar cantas labores de mediación estimen oportunas tanto diante da dirección da empresa como ante as distintas administracións, ofrecemento que foi ben acollido polos representantes do cadro de persoal.
Os dirixentes do Partido Popular insistiron en que cando se está a falar dun asunto tan serio como é a presentación dun Expediente de Regulación de Emprego (ERE) que incorpora a extinción de varios contratos, “non é un ámbito no que teñamos que facer política, entendida como un espazo de confrontación partidista, todo o contrario, debéramos achegar todos, sen excepción, o noso esforzo para desenvolver propostas concretas orientadas a garantir a viabilidade da empresa e a continuidade do maior número posible de postos de traballo”. Balseiro e Villares fan súa a petición de prudencia na que insistiron os representantes dos traballadores sempre que se aborde publicamente este conflito.
A través deste encontro Balseiro e Villares quixeron tamén insistir en que tanto o Partido Popular de Galicia como todas aquelas administración nas que esta formación política ten responsabilidade de Goberno (Concello de Cervo e Xunta de Galicia) traballan decididamente en fórmulas que contribúan a garantir os dereitos laborais do seu cadro de persoal e o mantemento dos postos de traballo actuais. Insisten tamén en que a compañía cerámica transcende do ámbito empresarial “Hai poucas sociedades que reporten un beneficio social e cultural das características de Sargadelos e de aí que merezan todo o noso apoio”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
