Nota de Prensa
A ÁREA DE CULTURA DA DEPUTACIÓN CONTINÚA COAS XESTIÓNS DE CARA A AMPLIAR AS INSTALACIÓNS DO MUSEO DO MAR DE SAN CIBRAO
O PP nunca quixo ampliar as instalacións do Museo do Mar e ocupouse de criar malestar coa propietaria dos terreos anexos que o actual goberno provincial debeu reconducir
Antonio Veiga aclarou que “terá que ser este goberno quen realice a ampliación do museo, xa que o PP nunca a quixo facer e agora fai o posíbel para que outros non a realicemos”
Lugo, 17 de agosto de 2010. A Área de Cultura e Deportes da Deputación volveu manifestar que mantén a intención, e continúa coas xestións necesarias de cara a ampliar as instalacións do Museo do Mar de San Cibrao que, aínda sendo propiedade municipal, xestiona a Deputación despois da súa cesión por parte do Concello de Cervo. Antonio Veiga, deputado responsábel da área, insistiu en que as negociacións coa propietaria dos terreos anexos ao museo seguen abertas e restableceuse a boa relación entre os propietarios dos terreos e os responsables do actual goberno da Deputación. Veiga aproveitou para pedir ao PP “calma e que non traten de boicotear e enturbar estas negociacións xa que abondo o fixeron durante anos, até o punto de que unha das funcións mais dificultosas desta negociación foi limar as asperezas herdadas entre a familia propietaria dos terreos co concello de Cervo e a Deputación, ambas gobernadas polo PP”.
A Deputación estuda unha solución viable para a ampliación do museo ao mar
A Área de Cultura da Deputación que xestiona o Museo do Mar de San Cibrao reiterou hoxe que, para a ampliación do Museo do Mar, existen terreos propios do museo e outros de titularidade privada nos que hai negociacións abertas. O nacionalista Antonio Veiga, manifestou que “a Deputación intentará atopar a fórmula mais viábel nun contexto de crise económica que reduciu a capacidade de investimento de tódalas administracións públicas, tamén da Deputación de Lugo”. Veiga volveu agradecer a boa disposición da familia propietaria dos terreos anexos ao museo para chegar a acordos coa Deputación, moito mais despois da tensa situación herdada do anterior goberno provincial xestionado polo PP.
A Deputación pídelle ao concello de Cervo lealdade institucional e que non asuma o papel da oposición
Antonio Veiga pediulle ao alcalde de Cervo lealdade institucional e manifestou que “é pouco serio que o PP utilice aquelas institucións nas que aínda goberna para facer a oposición que non é capaz de facer a través dos deputados provinciais, algúns deles mariñaos, que cobran da institución provincial para facer esa tarefa de oposición”. Veiga lamentou que “o Partido Popular utilice as institucións en contra dos intereses dos veciños e veciñas da Mariña e tente provocar de novo o malestar dos propietarios dos terreos anexos ao museo do mar para frear o traballo feito, ata o momento, polo goberno da Deputación”.
Por último, dende a Área de Cultura da Deputación pediuse ao PP “calma e menos alarmismo en relación á construción dun edificio na parcela anexa ao museo, cuxa tramitación está parada e foi froito do mal facer por parte do goberno municipal e o anterior goberno provincial, comandados polo PP”. Antonio Veiga acusou ao goberno municipal de Cervo de lanzar “culebróns de verán co ánimo de entorpecer e enturbar o traballo da Deputación”, e pediu tranquilidade e colaboración institucional ao alcalde de Cervo, “xa que todos debemos remar na mesma dirección”. O Deputado nacionalista reprochou ao PP que “agora pretendan que outros fagamos en tres anos o que eles foron incapaces de realizar nas últimas décadas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
