RIBADEO (FNC) .- Contacontos para adultos e nenos, teatro na rúa e o Musiqueo centran a intensa axenda cultural desta semana en Ribadeo. A concelleira de Cultura, Mariluz Álvarez Lastra, sinalou que ademáis das actividades organizadas polo seu departamento hai outras moitas de asociacións e colectivos ribadenses.
A edil nacionalista apuntou que “nesta primeira semana de agosto vai haber unha actividade bastante intensiva, prácticamente todos os días da semana vai haber actos, tanto para nenos como para adultos. Hoxe, martes, día 3, no Cine Teatro ás nove da noite haberá unha sesión de contacontos para adultos con Charo Pita e Tim Bowley, que está patrocinado polo Xacobeo. Denomínase Camiñando contos e é unha sesión de contacontos en inglés, galego e castelán. A entrada é totalmente gratuita”.
O mércores 4 ás cinco da tarde na praia dos Bloques os máis pequenos van poder participar nun contacontos a cargo de Anxo Moure e a súa ciclobiblioteca. Está patrocinado pola Área de Cultura da Deputación Provincial de Lugo “e polo tanto, ao ser ao aire libre, evidentemente é totalmente gratuito, para que todolos aqueles nenos que queiran poidan participar”. Ese mesmo día vai haber tamén unha serie de actividades da Axenda 21 local, da Área de Medio Ambiente, que a partir das seis da tarde vai ter actividades para os máis pequenos, con música, no Cantón dos Moreno.
Álvarez Lastra seguiu relatando que “o xoves 5 a partir das oito e media da tarde no Cantón dos Moreno haberá teatro de rúa familiar a cargo dos Quinquilláns, cunha obra titulada Os arrieiros. A representación escomenzará as oito e media da tarde no Cantón e despois circulará polas diferentes rúas do casco vello e da zona peatonal de Ribadeo. E rematamos a semana co Musiqueo, o venres 6 e o sábado 7. Haberá actividades de rúa para os máis pequenos e o festival de música, que se vai desenvolver na área recreativa da praia de Os Castros. Haberá autobuses totalmente gratuitos desde o instituto Dionisio Gamallo Fierros en horario de nove a doce da noite e despois de volta de seis a oito da mañá os dous días, para que aqueles xóvenes do noso concello que queiran participar poidan asistir”.
A concelleira de Cultura engadiu que “todo esto se verá complementado con outras actividades, como o campamento musical feito por Amadores da Música ou o mercadillo de postres que realiza a asociación de loita contra o cancro e que vai ter lugar o venres 7. É decir, que axenda cultural non só recolle a actividade que se realiza dende Cultura senon que teremos unha primeira semana de agosto moi cargada de actividades debido á colaboración de todas as entidades que forman parte da nosa vila”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
