NOTA DE PRENSA:
Impúxose na final celebrada onte a Tomás Costa
ARTURO GONZÁLEZ FOI O GAÑADOR DO TORNEO DE TENIS “CONCELLO DE CERVO”
* A competición estaba organizada pola concellería de Deportes coa colaboración da empresa I.G.10 e nela participaron 18 xogadores
* Os partidos desenvolvéronse nas pistas municipais do Club Deportivo Río Cobo do 5 ao 8 de agosto
Cervo, 9 de agosto de 2010.- O tenista Arturo González foi o gañador do torneo de tenis “Concello de Cervo” que se veu celebrando dende o pasado xoves nas instalacións municipais do Club Deportivo Río Cobo. O vencedor do torneo impúxose na final celebrada onte domingo a Tomás Costa (subcampión do torneo) nun partido moi disputado.
No torneo, organizado pola delegación de Deportes do Concello de Cervo e IG-10 Sport, participaron un total de 18 afeccionados mediante un sistema de previas e eliminatorias directas a partires de oitavos de final. Os responsables do torneo destacaron o nivel dos participantes e salientaron o bo ambiente e a afección que reinou ao longo dos catro días de torneo.
Noites alternativas
Dende a delegación de Deportes, que dirixe Rubén Fernández, lembran tamén que dende mañá e ata o xoves (do 10 ao 12 de agosto) desenvolverase na pista do antigo colexio Rivera Casás un torneo de Fútbol-sala 3×3 dentro da programación das Noites Alternativas postas en marcha dende a o Concello durante estes meses de verán.
Ao igual que o resto de actividades das Noites Alternativas, a participación neste torneo vai dirixida a rapaces maiores de 10 anos e sen limite de idade. A inscrición é gratuíta e moi flexible, pois poderá facerse ao comezo do torneo.
As noites alternativas abarcan deportas coma fútbol-praia, baloncesto ou pádel. Deron comezo o pasado mes de xullo e véñense desenvolvendo nos dous principais núcleos de poboación do municipio en horario de 22.00 a 01.30 horas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
