Nota de Prensa
O BNG DE FOZ ACUSA AO GOBERNO MUNICIPAL DE CONTINUAR CO DESCONTROL NO GASTO E ADVIRTE DUN PROBLEMA DE FINANCIAMENTO FUTURO
“Se continuamos a este ritmo de despilfarro o próximo o Concello terá problemas de pago” afirma Basanta
O Concello tiña en xullo 607.047,98 € na caixa cando as débedas eran de 912.526,10 segundo o informe de intervención
Foz, 11 de agosto de 2010.- No derradeiro Estado de Liquidación do Orzamento Municipal do Concello de Foz, advírtese que a administración local non recada os ingresos necesarios para atender correctamente os servizos municipais debido, principalmente, a mala xestión económica do grupo de goberno. A pesares das continuas advertencias do BNG e dos servizos de intervención municipal sobre a relaxación existente no control do gasto corrente o Sr. Alcalde e os seus concelleiros seguen a facer a mesma política de feitos consumados. Non existe un control directo e amplo sobre as obras feitas por e para o Concello e ao mesmo tempo non se planifican os gastos en función dos ingresos recadados.
Nestes tempos que as pequenas empresas, autónomos e familias están a adaptar a súa forma de vida a nova situación económica reducindo gastos innecesarios, resulta que o Concello de Foz segue gastando sen control ningún. Proba desto é que as existencias de Tesourería (diñeiro en entidades bancarias e en caixa), a data 30/06/2010, ascende a 607.047,98 euros, cando a primeiro de ano (01/01/2010) eran de 1.854.964,26 euros. En definitiva as arcas municipais estanse a baleirar progresivamente e dende o noso grupo non vemos que se tomen as medidas necesarias para frear esta sangría. É necesario que o Sr. Alcalde lembre que está a dispoñer de diñeiro público, procedente dos impostos e taxas que tanto nos costa pagar a tódolos cidadáns.
Non pode o Grupo Municipal de Goberno, xestionar as finanzas do Concello utilizando constantemente ás modificacións de crédito. Pasa que poida existir nalgún intre a necesidade de axustar os orzamentos municipais, pero o que non é de recibo que se utilice este modelo cada dous por tres. Este feito, demostra por si, que algo falla na xestión económica municipal. Demostra a falta de rigor no control dos gastos e a falta de planificación para establecer prioridades, sempre necesarias, a hora de administrar un orzamento cada día mais cativo.
O grupo municipal do BNG ten que volver a insistir que ademais da falta de control orzamentario adecuando os gastos aos ingresos recadados, existe unha deixadez a hora de incidir sobre as débedas existentes de contribuíntes morosos que nestes intres acadan un montante importante (arredor de 3.700.000,00 euros, considera o Interventor Municipal no seu derradeiro informe económico) que, para maior gravidade, están a punto de prescribir ou son xa saldos incobrables, segundo este mesmo documento unha cantidade que se achega aos 2.200.000,00 euros.
Este feito é grave posto que a existencia de débedas pendentes de cobrar de impostos e taxas públicas é un agravio para as persoas e demais contribuíntes que pagan ao día os impostos. Non serven as palabras baleiras do Sr. Alcalde xustificando estes impagos na mala situación económica actual, xa que moitos de estes importes pendentes veñen dende o inicio da súa xestión ao fronte do goberno municipal. Pola responsabilidade que supón administrar diñeiro público é necesario actuar con rigor e con todas as medidas que permite a lei contra os contribuíntes morosos (empresas e particulares) chegando ata o fin dos procesos administrativos, incluso a vía executiva e o embargo se fose preciso.
De seguir o Sr. Alcalde con esta política económica non sería de estrañar que en pouco tempo o Concello teña problemas para atender debidamente as súas obrigas económicas. Dende o BNG insistimos, outra vez mais, que se faga unha política económica municipal baseada no control orzamentario, no control por parte dos técnicos municipais da execución e dos costos das obras realizadas e na supervisión directa e constante das mesmas.
En definitiva, para conseguir unha xestión eficiente dos servizos públicos é necesaria unha planificación correcta das inversións e un control rigoroso dos ingresos e gastos municipais no que deberían, por responsabilidade política, participar tódolos grupos políticos que forman o Pleno Municipal, todo con un único fin: conseguir unha maior eficacia e unha maior transparencia na xestión económica municipal.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
