NOTA DE PRENSA:
A Vicepresidenta Segunda da Deputación anunciou que o organismo provincial enviou este pasado mércores ó departamento de Patrimonio da Xunta un novo documento onde se reitera a necesidade de derribar a Ponte de Arante de Ribadeo e construír unha nova. Trátase da única obra dentro do Plan de Choque que se puxo en marcha na Mariña para paliar os danos da borrasca Doris que a Deputación ten pendente á espera de lograr o permiso do Goberno galego.
O organismo provincial entregou á Xunta o pasado mes de xuño un proxecto cun orzamento de 156.000 euros e un prazo de execución de 4 meses para facer unha nova infraestrutura. Logo dun mes, concretamente o 5 de agosto, Patrimonio respondía á Deputación denegando a súa demolición, aconsellando a reconstrución, e concedendo un prazo dun mes para “xustificar” o documento entregado. Lara Méndez subliñou que “unha vez máis, a Deputación fai os deberes, e coa máxima axilidade, en menos dunha semana, enviamos un documento que explica polo miúdo, e xustifica máis se cabe, a nosa proposta”.
O documento da Deputación apunta que a Ponte de Arante atópase en ruínas. Os danos afectan principalmente a súa estrutura, é dicir ó taboleiro e as pilas no que se sustenta facendo imposible unha reconstrución segura para os ususarios. O estado dos materiais que Patrimonio aconsella reutilizar poderían provocar ademais o derribamento total da Ponte durante os traballos de reparación. Na actualidade, susténtase nunha superficie susceptible de novos descalces provocando máis danos á estrutura. Ademais, os catro arcos de escasa luz da infraestrurua favorecen a retención de árbores e ramas impedindo o paso da auga ante un novo temporal, feito que se suma “a realidade incontestable de que a capacidade de desaugue foi insuficiente”.
Ante esta situación, a Deputación propón a construción dunha nova ponte cunha superficie de desaugue de 2,50 metros de xeito que en ningún momento as augas afecten ás vigas nas que se sostén; cunha única luz eliminando a posibilidade de retencións de árbores e ramas; e que se levante nunha superficie rochosa evitando o seu desgaste.
Por outra banda, considerando os aspectos culturais, o organismo provincial apunta que a Ponte de Arante, datada en 1923, nin é un ben de interés cultural, nin un ben inventariado, nin un ben catalogado segundo a Lei do Patrimonio Cultural de Galicia. Ademais, a Deputación destaca que, ante a posibilidade de novas e probables inundacións, o que si se vería afectada é a Capela das Virtudes, un ben inventario que se atopa a tan só 15 metros da canle.
Por todo isto, Lara Méndez esixiulle á Xunta que “traballe coa mesma axilidade e premura que a Deputación para poder arranxar unha infraestrura moi demanda polos veciños de Ribadeo. O Goberno galego só pide celeridade ás outras administracións cando elas si cumpren, é o caso do Goberno de España coa A-8, e mentras eles sitúan a VAC no horizonte de 2017 cando anteriormente estaba prevista para 2013”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
