LUGO .- A Vicepresidenta Segunda da Deputación, Lara Méndez, visitou este luns algunhas das actuacións levadas a cabo polas máquinas do Parque Móbil nas vías municipais de Cervo, e que se inclúen dentro do Plan de Choque creado polo organismo provincial para arranxar os danos producidos pola choivas no mes de xuño na Mariña. Naquela xuntanza, Gómez Besteiro e os Alcaldes mariñanos consensuaran un plan de actuación a 40 días para os oito Concellos situados en primeira liña de costa, e que rematou o 31 de xullo.
Neste senso, Lara Méndez subliñou que “tal e como estaba previsto podemos comprobar como o Presidente cumpriu coa palabra dada a todos os Alcaldes da Mariña, executando en tempo e forma todas as actuacións previstas dentro da programación. Ademais, o reparto foi para todos igual. Grazas á axuda da Deputación a Mariña puido recobrar a normalidade e presentar unha mellor faciana a todos os turistas que estes días pasan a súas vacacións nesta zona”.
O organismo provincial foi a primeira administración en poñer en marcha un plan de choque para a recuperación da costa luguesa, dotado con 1,2 millóns de euros, dos que 900.000 corresponderon ós danos producidos na rede viaria provincial e 300.000 ós traballos realizados polas máquinas da Deputación en vías muncipais, aforrando este custe ós Concellos.
“Sempre baixo as indicacións dos Alcaldes”
As máquinas actuaron en 200 quilómetros de vías municipais, pertencentes a 34 núcleos poboacionais dos 8 Concellos. Concretamente, leváronse a cabo traballos de bacheo en máis de 90 quilómetros e actuacións de limpeza en preto de 40. A Vicepresidenta Segunda destacou que “isto resposta a unha clara liña de cooperación cos Concellos e sempre baixo as indicacións dos Alcaldes, seguindo criterios de urxencia e de eficiencia. Precisamente, o Presidente, tal e como se comprometeu no se momento, cada semana informou ó Conselleiro de Presidencia de todas as obras que se foron executando”. A este respecto, Lara Méndez puntualizou que “deste xeito demóstrase que a nosa intención foi a de colaborar, solucionar un problema, e a de traballar”.
En total, actuaron na zona 20 traballadores, ademais de 3 equipos de rego, formados por tres cisternas de emulsión asfáltica, dous camións gravilleiros e tres apisonadores, ademais de dous equipos de limpeza, compostos por dúas motoniveladoras, dous camións vasculantes e outras tantas palas.
Rede viaria provincial
Os asolagamentos tamén causaron importantes danos materiais na rede viaria provincial. Neste caso, os desperfectos tamén foron arranxados coa máxima celeridade posible a través da empresas adxudicatarias da Conservación, excepto o derrubamento da ponte que une as parroquias de A Ponte e de Arante, debido a que a Xunta de Galicia aínda non concedeu os permisos necesarios ó estar afectada polo Camiño Norte.
Pola súa banda, o organismo provincial actuou con rapidez, realizando unha proposta de emerxencia e habilitando unha partida orzamentaria dotada con 250.000 euros para acometer a súa reconstrución. “Dende a Deputación fomos eficaces e eficientes. Unha vez máis demóstrase que os problemas dos veciños e das veciñas da Mariña non son de interese para o Presidente da Xunta. A día de hoxe, todos os mariñanos sabemos quen estivo ó noso lado”, engadiu a Vicepresidente Segunda.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
