O director xeral de Competitividade e Innovación Tecnolóxica, Juan Maneiro, presentou a ampliación do programa piloto desenvolvido en outubro e novembro de 2009
1.500 persoas do interior de Galicia visitarán diferentes lonxas para coñecer o proceso de comercialización do peixe galego grazas ao programa “Mar Achega”
A Consellería do Mar quere amosar o sistema de extracción e primeira venda dos produtos de pesca artesanal para promover o seu coñecemento e consumo
A nova campaña contempla a participación de 1.500 persoas, un maior número de visitas e unha inversión de 141.600 euros
As visitas incluirán una xantar-degustación para que os participantes identifiquen os distintos peixes e mariscos de cada zona así como as diferentes maneiras de preparación
Santiago, 20 de agosto de 2010.- A Consellería do Mar repetirá o proxecto “Mar Achega”, tralo éxito acadado polo programa piloto desenvolvido en 2009. A iniciativa, segundo explicou hoxe o director xeral de Competitividade e Innovación, Juan Carlos Maneiro, persegue “dar a coñecer a calidade dos produtos que desembarcan a diario nos portos galegos para potenciar o seu consumo”.
“Logo de ver os resultados do programa e o grao de satisfacción dos participantes decidimos ampliar este programa”, dixo, referíndose ao resultado dunha enquisa realizada aos participantes do proxecto piloto, na que o 95% o avaliou positivamente. Neste sentido, indicou que a nova campaña contempla un aumento no número de participantes, que pasa de case 500 a preto de 1.500, así coma no número de visitas e na inversión. Neste senso, a Consellería destinará 141.600 euros á realización deste programa, que persegue “potenciar o consumo do peixe fresco e dar a coñecer o proceso de comercialización e os requisitos de etiquetado destes produtos”.
Maneiro lembrou que o programa vai dirixido a persoas vinculadas a asociacións de consumidores, amas de casa, asociacións culturais e mulleres rurais ou calquera outro colectivo que teña o seu domicilio en localidades do interior de Galicia. “Queremos achegar o peixe e o marisco galego á xente, que coñeza a súa orixe e a súa comercialización e como é traballo diario dos profesionais do mar”, dixo.
As visitas ás lonxas comezarán arredor do 15 de outubro e desenvolveranse durante todo o mes de novembro. O director xeral contou que os participantes do programa presenciarán unha poxa, comprobarán todos os labores relativos ao desembarco, exposición e expedición de produtos pesqueiros. Ademais incluirá unha degustación dun xantar con produtos do mar para comprobar as cualidades propias do peixe e do marisco galego.
“Os participantes comerán o produto que viron na lonxa” sinalou e explicou que o obxectivo do xantar-degustación é que aprendan a recoñecer os peixes e mariscos de cada zona, cos seus diferentes tratamentos culinarios e que complementen a identificación das distintas calidades do produto segundo o prezo.
O proxecto piloto
“Mar Achega” naceu como un programa piloto de actividades pensado para amosar á poboación do interior de Galicia o sistema de extracción e primeira venda dos produtos da pesca artesanal capturados nas augas interiores de Galicia aos consumidores finais. O proxecto desenvolveuse entre o 19 de outubro e o 19 de novembro co obxectivo de transmitir a singularidade do traballo colectivo dos profesionais do mar e fomentar a valoración do seu traballo recoñecendo a calidade dos produtos e as súas bondades.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
