CERVO .- O Concello de Cervo ven de recibir unha nova sentenza favorable dentro do longo proceso derivado da decisión tomada no seu día polo Goberno municipal do Partido Popular de anular o contrato de privatización de los servizos de auga, gas, saneamento e recollida de lixo á empresa Sumiges.
Neste caso trátase dun fallo da sala segunda do Tribunal Superior de Xustiza de Galicia desestimando o recurso de apelación interposto pola empresa Sumiges contra unha sentencia do 9 de decembro de 2008 onde tamén se desestimaba a reclamación patrimonial de 147.779,50 euros desta entidade empresarial polos prexuízos derivados da anulación do contrato de privatización de servizos. A sentencia é firme e, ademais, obriga ao recorrente (Sumiges) ao pago das costas xudiciais derivadas do proceso.
Para a portavoz do grupo de Goberno local, Pilar Armada, esta sentencia é “un refrendo máis” de que a decisión tomada polo Goberno local do Partido Popular de retomar o contrato de servizos subscrito polos socialistas de Cervo cando estaban á fronte do Concello “foi unha medida axeitada” e deixa ao descuberto unha vez máis “as escuras pretensións do Psoe de Cervo no proceso privatizador destes servizos”.
A edil popular lembrou tamén que todas as sentencias firmes formuladas ao longo de todo este proceso xudicial teñen sido favorables aos intereses do Concello “e polo tanto, deixan en evidencia as dubidosas condicións de privatización promovidas e a probadas polos socialistas de Cervo… que por certo, non estaría de máis que que tiveran a gallardía suficiente de explicar á xente a que obedecía o seu desmedido interese en poñerse de lado da empresa ao longo de todo este farragoso proceso”.
DESLEALDADE
Profundando no seu discurso, a representante do grupo de Goberno municipal recalcou que as consecuencias dos distintos fallos xudiciais deixa ao descuberto “a deslealdade” do PSOE local “cos veciños de Cervo” e o explicou a devandita acusación xustificándoa en dous feitos: “ Primeiro, privatizaron un servizo público que a Xustiza resolveu como irregular; e segundo, desde o primeiro momento os edís socialistas estiveron ao carón da empresa privada e non na defensa dos intereses dos veciños de Cervo”.
Segundo Armada, o Goberno municipal móstranse convencido de que se polos edís socialistas fora “ou seguiriamos cun servizo privatizado de xeito irregular, ou xa teríamos pagado todas as reclamacións desta empresa -o que sumaría máis de tres millóns de euros- e isto a pesares de que os Tribunais nos levan dando a razón en todas as sentencias”
ESPERANZA DE QUE SAIBAN PEDIR PERDÓN
Segundo a voceira do grupo de Goberno, os responsables municipais manteñen a súa esperanza de que desde o PSOE saiban rectificar o discurso mantido ata o momento escorado a favor desta empresa privada e saiban tamén pedir perdón aos veciños pola súa neglixente e irregular xestión. “Eles que tanto se enchen a boca falando da importancia dos servizos públicos foron os reis da privatización mentres que nós, desde os distintos Executivos municipais do Partido Popular, sempre defendemos que debía manterse unha xestión pública, porque o único beneficiario do auga, do saneamento, do gas e da recollida de lixo deben ser todos e cada un dos veciños”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
