RIBADEO.- A delegada territorial da Xunta, Raquel Arias, visitou hoxe o concello de Ribadeo para comprobar o marcha dos traballos de recuperación de varias pontes que resultaron danadas polas inundacións de mediados de xuño.
Acompañada por responsables de empresas vencelladas aos traballos que se están a realizar, a representante do Executivo galego puido comprobar in situ que “as tarefas de limpeza de ríos están practicamente rematados, posto que foron concluídos, segundo indican os técnicos, o 95% dos mesmos, e está xa completada a metade da reordenación dos canles fluviais da zona”, expuxo Arias.
Dentro das actuacións previstas no municipio ribadense inclúense as obras nas pontes de Soto, Misericordia e Guadalupe, procedéndose en primeiro lugar á limpeza do leito do río Grande –co fin de eliminar o perigo de novos desbordamentos- para abordar despois a recuperación das marxes.
Estas obras forman parte do conxunto de actuacións que acomete a Xunta de Galicia dentro das medidas urxentes adoptadas para a reposición de elementos de infraestrutura danados polas inundacións sufridas na Mariña.
O Executivo galego, inviste en total preto de 5 millóns de euros nestes traballos, que afectan principalmente a estradas e pontes e aos leitos dos ríos que discorren pola Mariña lucense, e en axudas para os veciños que se viran afectados pola perda de enxoval doméstico ou destrozos sufridos en vivendas.
Para esta última partida, Arias recordou que o decreto para adherirse a estas achegas foi publicado no DOG o pasado 5 de xullo “e dende o día seguinte os veciños xa están a presentar as súas reclamacións, que oscilan entre o 40% e o 100%, segundo a propiedade afectada”. O prazo de presentación das peticións de axudas remata o 6 de agosto.
Polo que respecta ás actuacións en espazos públicos, a Consellería de Medio Ambiente, Territorio e Infraestruturas, a través do Ente Público de Obras e Servizos Hidráulicos (EPOSH) inviste 1.510.978 euros en actuacións directas de emerxencia de inmediata execución para resolver as incidencias provocadas polas inundacións dos días 9 e 10 de xuño. As obras realízanse nos concellos lucenses de Ribadeo, Barreiros, Lourenzá, Foz, Burela, Cervo, Xove e Viveiro, así como no municipio coruñés de Ortigueira.
Os traballos consisten na “retirada de atascos, acarreos e escombros dos canles dos ríos, reposición de pontes e obras de drenaxe, reforzo das marxes, reparación de pistas e camiños e outros elementos –como lavadoiros e fontes-, e o estudo de encauzamentos en tramos urbanos”, segundo indicou a delegada territorial, que destacou que o inicio da maioría tarefas “desenvolveuse de inmediato”, trala valoración dos danos.
Entre outras actuacións, cabe destacar que en Barreiros plantéxase a demolición dalgunhas pontes colapsadas ao paso do río Barranca para a súa posterior reposición. Igualmente, está a ser acondicionado o paseo fluvial da Ruta dos Muiños, en Xove, mentres en Viveiro actuarase sobre os ríos As Nogueiras e Valcarría.
Así mesmo, a Consellería de Economía e Industria, a través da Dirección Xeral de Comercio, destina 200.000 euros á concesión de axudas para danos nos establecementos comerciais e infraestruturas enerxéticas de titularidade municipal provocadas polo temporal. Deste xeito, o Executivo galego da cobertura tamén aos problemas xerados no ámbito do sector do comercio retallista e demais sectores mercantís.
Do mesmo xeito, a través da Consellería de Cultura e Turismo, os establecementos turísticos da zona recibirán axudas para sufragar os danos causados polas riadas. Para esta liña, a Xunta aprobou destinar unha partida inicial de 200.000 euros.
Reposición de estradas
Por outra banda, a Xunta tamén destinou unha parte do investimento á restauración de estradas da rede autonómica. As choivas provocaron numerosos derrubamentos sobre as vías, obrigando a realizar con urxencia proxectos de estabilización de noiros de desmonte e incluso estudos xeotécnicos que aconsellen as actuacións a executar.
Como primeira medida, foron retirados os materiais desprendidos dos noiros e tamén se limparon as calzadas e as cunetas, así como as obras de drenaxe transversal, retirando os arrastres depositados polas choivas.
Despois de repoñer a funcionalidade e a vialidade das estradas, neste momento só é necesario circular con precaución no punto quilométrico 12,300 da LU-133, que une Vilamar (Barreiros) e Reme (Ribadeo), ao terse ocasionado un estreitamento da plataforma como consecuencia do deslizamento do noiro. Ademais, neste punto reparouse a tubaxe de abastecemento de auga a varias parroquias do concello de Ribadeo. O estreitamento está convenientemente sinalizado e analízase a posibilidade de construír un muro de escollera de grandes dimensións que conteña o noiro e o protexa da acción do río.
Noutros puntos da rede viaria da Mariña tamén se contempla a restitución dos noiros de terraplén deslizados, o afianzamento da súa estabilidade e a execución de pequenos muros de escollera.
Colaboración coas administracións locais
A máxima representante do Executivo galego na provincia reiterou a necesidade de que “tódalas administracións se sumen e valoren conxuntamente nunha mesa as medidas precisas a levar a cabo. Deste modo, poderíanse promover as tramitacións de xeito máis eficiente, áxil e cómodo para os cidadáns e os concellos afectados polas riadas”.
Arias fixo fincapé en que os danos afectaron en moitos casos a dotacións e servizos de titularidade dos, aos que “nun momento como o actual lles resulta complicado actuar, polo que son as administracións máis importantes as que deben apoiar decididamente. Isto é o que está a facer a Xunta, colaborando en obras máis aló do seu ámbito competencial para, ao final, favorecer aos veciños da Mariña”.
Neste sentido, a delegada territorial lamentou que a visita da ministra de Medio Ambiente, Medio Rural y Marino, Elena Espinosa, “non teña deparado por parte do Goberno central a colaboración que necesitan os concellos e os cidadáns da comarca. Unha colaboración por riba das súas competencias que si está a desenvolver o Executivo galego”. Esta situación “ven a demostrar, lamentablemente, que a visita dun representante do Goberno estatal non foi máis que un paseo en helicóptero que non serviu para sensibilizarse coas necesidades da comarca”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
