Nota de Prensa
A ÁREA DE CULTURA E DEPORTES DA DEPUTACIÓN APOIA CON MAIS DE 30.000 EUROS A ORGANIZACIÓN DE ACTIVIDADES E ACTUACIÓNS CULTURAIS EN CERVO
A Xunta de goberno da Deputación aprobou as axudas a entidades e concello que se suman ao apoio a asociacións que solicitaron a presenza de grupos tradicionais de apoio a diferentes festas
Todas as solicitudes foron atendidas coa excepción de unha que presentou a documentación fora de prazo
Cervo, 29 de xullo de 2010. A Xunta de Goberno da Deputación aprobou as axudas a entidades e concello na anualidade 2010. O importe total das axudas concedidas suma 30.200 euros, 25.000 para asociacións e 5.200 na orde destinada aos concellos da provincia de Lugo. Un ano mais a área de Cultura e Deportes xestionada polo nacionalista, Antonio Veiga, apoia os programas de actividades culturais desenvoltos por asociacións do eido da cultura en Cervo e tamén as solicitudes presentadas polo concello de Cervo. A estas axudas débese sumar o respaldo a outras presentadas no programa de apoio a festas asinado entre a Área de Cultura, Caixa Galicia e agrupacións de música tradicional, música coral e bandas que permiten a ampliación dos programas de actividades en diferentes festas do concello.
As asociacións que desenvolven traballo cultural presentaron once solicitudes, cinco menos que o ano pasado e houbo dúas mais que foron denegadas por presentarse fora de prazo
Todas as entidades que presentaron solicitudes nas modalidades de actividade anual e eventos foron atendidas coa excepción de dúas solicitudes dunha mesma asociación que presentou a documentación fora de prazo. En total houbo 11 solicitudes presentadas en prazo, sete para actividade cultural anual e catro para eventos puntuais que suporán un desembolso por parte da Área de Cultura e Deportes de 25.000 euros, unha vez sexan xustificadas. O BNG de Cervo por mediación do seu Responsábel Local, Ramón Luís Bernardo Insua, sinalou que “aínda habendo menos solicitudes con respecto a 2009, non e menor o investimento e o apoio da Área de Cultura da Deputación ao asociacionismo cultural cervense”.
Ao apoio na orde de axudas para actividade culturais hai que sumar a presenza de grupos de gaitas en diferentes eventos festivos.
O Responsábel Local nacionalista engadiu a presenza de grupos de gaitas e bandas musicais que reforzaron e reforzarán co financiamento da área de Cultura da Deputación eventos festivos como a Festa do Carme e Maruxaina e Festa do Turista en San Cibrao, e as festas do 25 de xullo en Sargadelos, “todas atendidas tal como pediron dende as asociacións organizadoras”
O concello tamén recibe axudas nas modalidades de actividades culturais e investimentos por 5.200 euros.
Bernardo Insua tamén fixo mención ás axudas aprobadas para o concello de Cervo que solicitou na modalidade de Actividades Culturais, recibindo unha axuda de 1.200 euros e para Investimentos na que solicitou unha axuda para “actuacións na Casa da Cultura de San Cibrao”, na que recibiu unha axuda de 4000 euros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
