CERVO .- Quince alumnos darán comezo a vindeira semana en Cervo un curso de montaxe e mantemento de instalacións solares térmicas dirixido a traballadores desempregados e ao amparo do Plan de Accións Formativas da Xunta de Galicia.
Nota de Prensa
As clases comezarán a vindeira semana e se prolongarán por un período de cinco meses
QUINCE DESEMPREGADOS FORMARANSE COMA MONTADORES DE INSTALACIÓNS SOLARES TÉRMICAS EN SAN ROMÁN E SARGADELOS
* O curso está organizado polo Concello de Cervo e a Fundación Laboral da Construcción
* Esta oferta formativa promovida dende o Concello ven a cumprimentar outras iniciativas deste tipo coma o Obradoiro “Terras de Azul Cobalto” que deu comezo o pasado día 1
Cervo, 9 de xullo de 2010.- O alcalde de Cervo, Alfonso Villares, anunciou esta mañá que quince alumnos darán comezo a vindeira semana no municipio un curso de montaxe e mantemento de instalacións solares térmicas dirixido a traballadores desempregados e ao amparo do Plan de Accións Formativas da Xunta de Galicia.
O curso está organizado polo Concello de Cervo e a Fundación Laboral de la Construcción; e está cofinanciado polo Fondo Social Europeo. Os alumnos que optan a participar nel asistiron onte ás probas de selección realizadas polos coordinadores da área formativa da Fundación Laboral da Construcción nas antigas escolas unitarias de San Román.
Está previsto que as clases dean comezo o martes, 13 de xullo e que rematen o 18 de novembro. Neste período os alumnos simultanearán a formación entre as Escolas Unitarias de San Roman, onde se impartirán as clases teóricas, e as instalacións coas que conta o Concello en Sargadelos, onde está previsto que se leven adiante as clases prácticas.
PRÁCTICAS EN EMPRESAS
Ademais, este tipo de formacións inclúe tamén a posibilidade de que os alumnos que superen o curso -ademais de obter o preceptivo certificado profesional de instalador de sistemas solares térmicos- poderán tamén realizar 80 horas de prácticas profesionais en empresas. As prácticas estarán dirixidas e supervisadas por dous titores, un pertencente á Fundación Laboral da Construción e outro á empresa na que se realicen as mesmas. “Deste xeito o que se pretende é facilitar a inserción laboral dos alumnos que realizan estes cursos de formación ocupacional” indicou o alcalde.
AXUDAS ECONÓMICAS PARA O ALUMNADO
Villares lembrou tamén que aqueles alumnos que estean desempregados e inscritos como demandantes de emprego no Servizo Público de Emprego de Galicia terán dereito a optar ás axudas económicas establecidas pola administración para os participantes deste tipo de ofertas formativas e de reinserción laboral.
O rexedor sinalou que en Cervo existe “dende hai anos” unha fluída colaboración con entidades adicadas á formación “e queremos seguir nesa liña de fomento e potenciación da celebración deste tipo de cursos dentro do termo municipal” adiantou. “Nesta liña de traballo se enmarcan accións coma o curso de ebanistería posto en marcha o pasado mes de abril en colaboración co Centro de Formación Ocupacional de Viveiro e a Xunta de Galicia, ou máis recentemente o Obradoiro de Emprego Terras de Azul Cobalto que comezou a funcionar a principios deste mes de xullo e que dará emprego durante un ano a 27 persoas” recalcou Villares.
“Queremos, pois, continuar profundando nesa liña de rendibilizar esforzos con todos os actores implicados de cara a contribuír á formación dos nosos traballadores para que poidan superar a actual crise laboral mediante unha mellor preparación profesional e para que poidan competir no mercado laboral coas máximas garantías”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
