Nota de Prensa
As Directrices de Ordenación do Territorio impiden edificar en Vilaronte, Forxán, Fazouro, Nois e Cangas
Basanta denuncia que o PP manda a Foz a segunda división
Foz, 8 de xullo de 2010.- O Consello Local do Bloque Nacionalista Galego de Foz acordou na súa xuntanza do pasado luns proceder a solicitar unha modificación das disposicións que as Directrices de Ordenación do Territorio, actualmente en fase de aprobación inicial e xa que logo sometidas á fase de alegacións, establecen para o Concello de Foz, nomeadamente no que teñen a ver coa consideración do referido Concello e por outra banda no relativo aos Núcleos de Identidade Litoral.
Os nacionalistas lembran que Directrices de Ordenación do Territorio establecen para Galiza as áreas metropolitanas articuladas arredor das sete cidades, o sistema urbano intermedio para os núcleos de entre 7.000 e 20.000 habitantes e os nodos de desenrolo para ás areas rurais. Neste sentido O Portavoz do BNG de Foz, Xoán Carlos Basanta, considera que “non é de recibo que se proceda a definir o Concello de Foz como subcabeceira do sistema urbano intermedio, cando as determinacións das Directrices asocia as mesmas aos nodos rurais, facendoo depender de Viveiro ou Ribadeo”. “Foz cumpre todos os requisitos para ser definido como cabeceira do sistema urbano intermedio por poboación, dimensión e densidade de poboación, ademais do feito de que se clasifique como subcabeceira significa que o noso Concello non poderá acoller servizos de carácter supramunicipal (P.Ex, un PAC) ou que a dotación de VPP ou solo empresarial estea condicionada as necesidades das cabeceiras da Comarca” afirmou o Portavoz do BNG quen criticou que outra vez máis “o PP manda a Foz a segunda división”. Os nacionalistas esixen que a Xunta de Galiza aclare as razóns que levaron á Xunta a sencundarizar a Foz nas Directrices, que explique por que nas determinacións das mesmas se homologan os nodos e as subcabeceiras e demandan unha rectificación na consideración que se lle dá a Foz.
O Portavoz Municipal do BNG que informou que as Directrices de Ordenación do Territorio que se aproban con trece anos de retraso para evitar os problemas de legalidade que se criaban co POL, xa que era necesario a aprobación inicial destas, antes que a do Plano de Ordenación do Litoral deixan ao descuberto as mentiras da Xunta en relación cos núcleos de identidade litoral e polo tanto a imposibilidade de usos residenciais en Vilaronte, Forxán, Fazouro, Nois e Cangas. Neste sentido Basanta recordou que o “Sr Borobio comprometeuse cos portavoces dos grupos da corporación focega, cos redactores do PXOM e cos servizos técnicos do Concello a incluír Vilaronte, Forxán, Fazouro, Nois e Cangas como núcleos de identidade litoral a fin de que se puidese edificar tanto nas Directrices como no POL. Agora está claro que faltou a súa palabra, e isto ten difícil solución na medida que o POL ten que axustarse as directrices.” O Portavoz Nacionalista lembrou tamén que existe un acordo unánime da Corporación a fin de que se recoñezan estes núcleos e agarda que esta unanimidade se manteña de cara o futuro pois esta proposta hipoteca a posibilidade de usos residenciais fora do que é a Vila.” Primeiro desde a indiferenza afirmábase que o BNG alarmaba, cando tivo que exercer do Goberno e explicarlle aos veciños o POL, despois cando os redactores do PXOM nos deron a razón déronse por contentos coas explicacións de Borobio e hoxe as Directrices fan bos os temores do BNG”, lembrou Basanta que esixiu “responsabilidade e lealdade aos grupos da Corporación neste tema”.
Xa por último, desde o BNG de Foz anunciouse que presentara unha moción no próximo pleno a fin de que a Corporación alegue as Directrices no sentido de que Foz pase a ser considerada como cabeceira pero tamén para garantir que non se hipotequen os usos residenciais fóra do que é o casco urbano.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
